وزبەكستاندا سايلاۋعا قىزۋ دايىندىق ءجۇرىپ جاتىر. قازاننىڭ 24-ءى كۇنى پرەزيدەنتتەرىن تاڭدايدى, دەپ حابارلايدى Egemen.kz.
بۇل كورشى ەل تاريحىندا وسىمەن 7-ساياسي ماڭىزدى ناۋقان بولعالى وتىر. وعان وزبەكستاندا رەسمي تىركەلگەن 5 پارتيانىڭ كانديداتتارى قاتىسپاق. ەڭ باستى ۇمىتكەر قازىرگى پرەزيدەنت شاۆكات ميرزيەيوۆ.
ونى كانديدات رەتىندە ليبەرال-دەموكراتيالىق پارتياسى كەزەكتى سەزد بارىسىندا ۇسىندى.
تاعى پرەزيدەنتتىككە ۇمىتكەر رەتىندە «ميللي تيكلانيش» دەموكراتيالىق پارتياسى اليشەر قادىروۆتى, ەكولوگيالىق پارتيا نارزۋللا وبلومۋرادوۆتى, ال «ادولات» الەۋمەتتىك-دەموكراتيالىق پارتياسى باحروم ابدۋحاليموۆتى تاڭدادى.
وسى جولعى سايلاۋدا العاش رەت ايەل ۇمىتكەر قاتىسپاق. تاجىريبەلى دارىگەر ماكسۋدا ۆاريسوۆا وزبەكستاننىڭ ۇلتتىق-دەموكراتيالىق پارتياسى اتىنان پرەزيدەنتتىككە كانديدات رەتىندە ۇسىنىلىپ وتىر.