دەنساۋلىق ساقتاۋ ۆيتسە-ءمينيسترى اجار عينيات جۇمىس ساپارىمەن الماتى قالاسىندا بولدى. ول بىرقاتار مەديتسينالىق نىسانداردى ارالاپ, كوروناۆيرۋستىق ينفەكتسيانىڭ تارالۋىنا جول بەرمەۋ جونىندەگى شتابتىڭ وتىرىسىنا قاتىستى, دەپ جازادى Egemen.kz.
ا.عينيات "ا.ن.سىزعانوۆا اتىنداعى ۇلتتىق عىلىمي حيرۋرگيا ورتالىعى" اق-دا بولدى. بۇل ورتالىق ءوز سالاسىندا جەتەكشى كوپبەيىندى مەديتسينالىق مەكەمە بولا وتىرىپ, ەلىمىزدە جانە رەسپۋبليكادان تىس جەرلەردە جەتەكشى ورىن الادى, وندا ەڭ زاماناۋي تەحنولوگيالار بويىنشا ەمدەۋ-دياگنوستيكالىق كومەك كورسەتىلەدى, ول سونداي-اق كادرلىق الەۋەتتى دامىتۋدى جانە پراكتيكالىق مەديتسيناعا يننوۆاتسيالىق ادىستەردى ەنگىزۋدى ورتالىقتىڭ ءوزىنىڭ بازاسىندا عانا ەمەس, وڭىرلەرگە شىعۋدا وقىتۋ شەبەرلىك سىنىپتارىن وتكىزۋ جولىمەن جۇزەگە اسىرادى. ۇعو قر حالقىنا قىزمەت كورسەتەدى جانە كارديوحيرۋرگيادا, تامىر حيرۋرگياسىندا انگيوگرافيالىق قۇرىلعىلاردى, جالپى حيرۋرگيادا, توراكالدى حيرۋرگيادا, گينەكولوگيادا جانە ورگانداردى ترانسپلانتاتسيالاۋدا ەندوسكوپيالىق ارالاسۋلاردى قولدانا وتىرىپ, 30%-دان استام ءازينۆازيۆتى وپەراتسيالىق ارالاسۋلاردى ورىندايدى.
ساپار بارىسىندا ۆيتسە-مينيستر دياگنوستيكالىق ورتالىقتىڭ, كلينيكالىق بولىمشەلەردىڭ, كلينيكالىق-دياگنوستيكالىق زەرتحانانىڭ جۇمىسىمەن تانىستى, سونداي-اق رەنتگەنوحيرۋرگيا, ينتەرۆەنتسيالىق كارديولوگيا جانە اريتمولوگيا بولىمشەسىنە باردى. سونداي-اق, ول باۋىر مەن بۇيرەكتى ترانسپلانتاتسيالاۋدان, قۇرساق قۋىسى مۇشەلەرىنە اۋىر رەكونسترۋكتيۆتى-قالپىنا كەلتىرۋ ارالاسۋلارىنان كەيىن قارقىندى تەراپيا بولىمشەسىندەگى پاتسيەنتتەرمەن جۇزدەسىپ, ولارعا تەزىرەك ساۋىعۋدى تىلەدى.
سونىمەن قاتار, ا.عينيات قازاق ونكولوگيا جانە راديولوگيا عزي بارىپ, بالالار ونكولوگيا ورتالىعىن ارالادى. مۇندا ۆيتسە-مينيستر كومپيۋتەرلىك توموگرافيا كابينەتىنە باردى, وندا aquilion Prime ساراپتامالىق سىنىبىنىڭ كومپيۋتەرلىك توموگرافى جاڭا اپپاراتى ورناتىلدى, جاڭارتىلعان وپەربلوكتى, زاماناۋي پەت/كت-ورتالىعىن جانە جاڭا توموتەراپيا ورتالىعىن قاراپ شىقتى.
ساپار سوڭىندا ا.عينيات كارديولوگيا جانە ىشكى اۋرۋلار عزي-دا بولدى, سونداي-اق كۆي تارالۋىنا جول بەرمەۋ جونىندەگى شتابتىڭ وتىرىسىنا قاتىستى, ونىڭ بارىسىندا دەنساۋلىق ساقتاۋ مينيسترلىگىنىڭ الماتىداعى توبىنىڭ جۇمىس قورىتىندىسى بويىنشا ۇسىنىستار ايتتى.