قارجىلىق مونيتورينگ اگەنتتىگى الماتىدا الكوگولدىڭ زاڭسىز اينالىمى سالاسىندا 16 قىلمىستى انىقتادى, دەپ حابارلايدى Egemen.kz.
زاڭسىز اينالىمعا تۇسەتىن سۋرروگات الكوگول ونىمدەرىنىڭ نەگىزگى بولىگى جاسىرىن تسەحتاردا, كوبىنەسە انتيسانيتاريا جاعدايىندا ازىرلەنەدى. 2021 جىلدىڭ باسىنان بەرى اگەنتتىكتىڭ الماتىداعى اۋماقتىق دەپارتامەنتى سپيرت جانە الكوگول ونىمدەرىنىڭ زاڭسىز اينالىمى سالاسىندا 16 قىلمىستى انىقتاپ, سۋرروگات الكوگول ءونىمىن دايىندايتىن 8 استىرتىن تسەح قىزمەتىنىڭ جولىن كەسكەن.
زاڭسىز اينالىمنان بارلىعى 91 مىڭ دانا جالعان اكتسيز تاڭبالى - «Jack Daniel’s», «Jameson», «كازاحستان», «ۆوزدۋح», «زەرنو», «بۋلباش», «حورتيتسا» «تسارسكايا», «فينليانديا» جانە ت. ب. الكوگول ءونىمىنىڭ تانىمال ماركالارىنىڭ 110 مىڭنان استام بوتەلكەسى تاركىلەندى.
«قارجىلىق مونيتورينگ اگەنتتىگىنىڭ الماتى قالاسى بويىنشا اۋماقتىق دەپارتامەنتى جالعان ەسەپكە الۋ-باقىلاۋ تاڭباسى بار سپيرت ىشىمدىكتەرىن دايىنداپ, كەيىن الماتى قالاسىنىڭ ساۋدا ورىندارىندا ساتقانى ءۇشىن 23 جاستاعى الماتى قالاسىنىڭ تۇرعىنى ب.كامالدى قىلمىستىق جاۋاپكەرشىلىككە تارتتى», دەلىنگەن حابارلامادا.