اياگوز بالالارعا ارنايى الەۋمەتتىك قىزمەت كورسەتۋ ورتالىعىندا تاعى شۋ شىقتى. 9 قىركۇيەكتە ورتالىقتاعى بەينەباقىلاۋ كامەرالارىن قاراۋ كەزىندە ۇلدار جاتىن بولمەسىندە مەكەمە تاربيەلەنۋشىلەرىنىڭ جىنىستىق قاتىناسقا تۇسپەك بولۋ ارەكەتى انىقتالدى, دەپ حابارلايدى Egemen.kz.
جىنىستىق قاتىناس ارەكەتىن مەكەمە قىزمەتكەرى بايقاپ, ۋاقىتىندا قاجەتتى شارالار قابىلداعان.
ء«يا, بۇل دەرەكتى راستايمىز. ورتالىق قىزمەتكەرىنىڭ قىراعىلىعى ارقاسىندا وقيعانىڭ الدى الىندى. قازىرگى ۋاقىتتا بالالارعا مەديتسينالىق تەكسەرۋ جۇرگىزىلىپ جاتىر, ولارمەن پسيحولوگ مامان جۇمىس ىستەيدى», دەدى شقو جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى جاسۇلان سارسەباەۆ.
وقيعانىڭ ءمان-جايىن انىقتاۋ ءۇشىن جاسۇلان سارسەباەۆ بىردەن وقيعا ورنىنا بارعانى بەلگىلى بولدى. سونىمەن قاتار, ءتيىستى ءوتىنىش پەن ماتەريالدار ءىس جۇرگىزۋ شارالارىن قابىلداۋ ءۇشىن قۇقىق قورعاۋ ورگاندارى مەن پروكۋراتۋراعا جولدانعان. ءوڭىر اكىمىنىڭ تاپسىرماسى بويىنشا ۆەدومستۆوارالىق كوميسسيا قۇرىلعان.«اياگوز بالالارعا ارنالعان ارنايى الەۋمەتتىك قىزمەت كورسەتۋ ورتالىعى» كمم ديرەكتورى شولپان ماقاشەۆانىڭ ايتۋىنشا, ۇلداردىڭ جاعدايى قاناعاتتانارلىق.
ايتا كەتەيىك, بۇل اۋىر پسيحونەۆرولوگيالىق پاتولوگياسى بار بالالار ۇستالاتىن اياگوز ارنايى الەۋمەتتىك قىزمەت كورسەتۋ ورتالىعىنا (ااقكو) بايلانىستى ءبىرىنشى جاعداي ەمەس.