ءبىلىم جانە عىلىم ۆيتسە-ءمينيسترى شولپان كارينوۆا وقۋشىلاردىڭ قاي ۋاقىتتا قاشىقتان وقيتىنىن ايتتى, دەپ جازادى Egemen.kz.
«بىرىنشىدەن, ءبىلىم مەكەمەلەرى ءبىلىم جانە عىلىم مينيسترلىگىنىڭ ءتيىستى ادىستەمەلىك ۇستانىمدارىن وقۋ جىلىنىڭ باسىنا دەيىن الدى. بۇگىنگى كۇنى بىرنەشە جاعداي بويىنشا قاشىقتان وقىتۋ ۇيىمداستىرىلادى. بىرىنشىدەن, وقۋشى اۋىرىپ قالسا نەمەسە اۋىرعان ادامدارمەن بايلانىستا بولسا, وندا بالا قاشىقتان ءبىلىم الادى», دەدى ول.
مىسالى, سىنىپتا ءبىر بالا اۋىرىپ قالسا, وندا سىنىپ 14 كۇنگە كارانتينگە جىبەرىلەدى. بۇل جاعدايدا مەكتەپ سىنىپتىڭ وقۋ پروتسەسىن قاشىقتان ۇيىمداستىرادى. سونداي-اق مۇعالىم مەن وقۋشى اراسىنداعى بايلانىس سينحروندى جانە اسينحروندى فورماتتا جۇرگىزىلەدى.
«مۇعالىمدەر ءتيىستى ءبىلىم پلاتفورماسىن پايدالانىپ, ناقتى ۋاقىتتا وقۋدى ۇيىمداستىرا الادى. ودان بولەك, كەي ساباقتاردى اسينحروندى فورماتتا تۇسىندىرە الادى. ەگەر اتا-انالار بالاسىنىڭ ءۇي جاعدايىندا وقىتىلسىن دەپ ءوتىنىش جازسا, وندا بالاعا مەكتەپ تاراپىنان وقۋلىق ۇلەستىرىلەدى, وقۋ باعدارلامالارى بەرىلەدى جانە ءتيىستى ءبىلىم پلاتفورماسىمەن قامتاماسىز ەتىلىپ, ەلەكترون جۋرنال ارقىلى مۇعالىممەن كەرى بايلانىس جاساۋىنا جاعداي جاسالادى», دەپ ايتتى ۆيتسە-مينيستر كارينوۆا بعم LIVE جوباسىندا.
دەسە دە, ۆيتسە-ءمينيستردىڭ ايتۋىنشا, وقۋشىنىڭ باسىم كوپشىلىگى وقۋ پروتسەسىنىڭ شتاتتىق رەجيمدە جالعاسقانىن قالايدى.