«تاليبان» قوزعالىسىنىڭ مۇشەلەرى اۋعانستاننىڭ جاڭا وتپەلى ۇكىمەتىن ۇلىقتاۋ ءراسىمىن 11 قىركۇيەكتە وتكىزەدى, دەپ حابارلايدى Egemen.kz.
بۇل تۋرالى ريا نوۆوستي مالىمدەدى.
دەرەككوز مالىمەتى بويىنشا, «تاليبان» جاڭا مينيسترلەر كابينەتىنىڭ اشىلۋ سالتاناتىنا التى ەلدىڭ وكىلدەرىن شاقىرعان.
«راسىمگە ازىرگە رەسەي, قىتاي, كاتار, تۇركيا, پاكىستان مەن يران شاقىرىلدى», دەيدى اقپارات كوزى.
سونداي-اق اۋعانستان پرەمەر-ءمينيسترىنىڭ ورىنباسارى مولدا ابدۋل عاني بارادار سارسەنبىدە باسقا دا بىرقاتار شتاتتاردان دەلەگاتسيا شاقىرۋ ءۇشىن كاتارعا بارعانى ايتىلادى.بۇل كۇنى اۋعانستاننىڭ ۋاقىتشا ۇكىمەتىنىڭ قۇرامى بەلگىلى بولعان ەدى. ونى «تاليبان» قوزعالىسىنىڭ العاشقى بيلىگى كەزىندە سىرتقى ىستەر ءمينيسترى بولعان جانە بۇۇ سانكتسيالارىندا بولعان موحامماد حاسان احۋند باسقارادى.