6 قىركۇيەكتەن باستاپ وزبەكستان ەلەكتروندى ۆيزا بەرۋدى ۋاقىتشا توقتاتتى. بۇل جونىندە وزبەكستاننىڭ ءسىم ءباسپاسوز قىزمەتى حابارلادى, دەپ جازادى Egemen.kz.
مينيسترلىكتىڭ حابارلاۋىنشا, بۇل شارا e-visa.gov.uz جۇيەسىندەگى پروفيلاكتيكالىق جۇمىستارعا بايلانىستى. بىراق قاشان ىسكە قوسىلاتىنى ايتىلمايدى.
ەلەكتروندى ۆيزا بىرقاتار ەلدەردىڭ ازاماتتارىنا جەڭىلدەتىلگەن ۆيزا رەتىندە بەرىلەدى.
«بۇل قۇجاتتى وزبەكستانعا بارۋدى جوسپارلاعان شەتەل ازاماتتارى عانا الا الادى. ول ءۇشىن بارۋدان ءۇش كۇن بۇرىن ەلەكتروندى پورتال ارقىلى ءوتىنىش ءتۇسىرۋ كەرەك», دەپ جازادى ورتالىق ازيانىڭ جاڭالىقتار قىزمەتى.