اۋعانستان پرەزيدەنتى رەتىندە قىزمەتىنەن كەتكەن اشراف عاني كابۋلدان كەتۋدى ومىرىندەگى ەڭ قيىن شەشىم دەپ اتادى. ەلدىڭ ەكس-پرەزيدەنتى اۋعان حالقىنان ء«بارى قايعىلى جاعدايمەن اياقتالدى» دەپ كەشىرىم سۇرادى. ول بۇل مالىمدەمەنى ءوزىنىڭ Twitter-دەگى پاراقشاسىندا جاريالادى, دەپ حابارلايدى Egemen.kz.
ەكس-پرەزيدەنت كابۋلدان كەتۋ تۋرالى شەشىمدى «ومىردەگى ەڭ قيىن», سونداي-اق «قارۋ-جاراقتىڭ الدىن الۋدىڭ, كابۋل مەن ونىڭ 6 ميلليون تۇرعىنىن قۇتقارۋدىڭ جالعىز جولى» دەپ اتادى.
«مەن مەملەكەتتى قاۋىپسىزدىكپەن قامتاماسىز ەتە الماي, اۋعان حالقىنا تۇراقتىلىق پەن وركەندەۋ سىيلاي الماعانىم ءۇشىن وكىنەمىن. مەن اۋعان حالقىنان كەشىرىم سۇرايمىن», دەپ جازدى عاني ءوزىنىڭ مالىمدەمەسىندە.
ول اۋعان حالقىنا دەگەن ادالدىعى بەرىك جانە ول ونى ءومىرىنىڭ سوڭىنا دەيىن «جەتەلەيدى» دەپ سەندىردى.
سونىمەن قاتار, اشراف عاني اقپاراتتى نەگىزسىز دەپ اتاي وتىرىپ, كابۋلدان اقشا الىپ كەتكەنى تۋرالى حابارعا تۇسىنىك بەردى.
«مەن مالىمدەمەلەرىمنىڭ دۇرىستىعىن دالەلدەۋ ءۇشىن بۇۇ نەمەسە باسقا تاۋەلسىز ورگاننىڭ قامقورلىعىمەن رەسمي اۋديت جۇرگىزۋدى قولدايمىن», دەدى اۋعانستاننىڭ ەكس-پرەزيدەنتى Twitter-دە.