بۇۇ دامۋ باعدارلاماسىنىڭ قازاقستانداعى تۇراقتى وكىلى ياكۋپ بەريش زياندى قالدىقتاردىڭ 80 پايىزىن قازاقستانداعى ەڭ ءىرى 50 زاۋىت شىعارىپ وتىرعانىن ايتتى, دەپ جازادى Egemen.kz.
بۇۇ وكىلى قازاقستانداعى ەكولوگيالىق ماسەلەلەر الەمنىڭ كوپتەگەن ەلىنە ءتان ەكەنىن ايتادى.
«بۇل ىستە قازاقستان عانا ەمەس, بۇۇ-عا مۇشە كوپتەگەن ەلدەر باياۋ ارەكەت ەتىپ وتىر. اسىرەسە مەملەكەت ساياساتىن ەكولوگيا ساياساتىنا بەيىمدەپ, ەكولوگيا, اۋىل شارۋاشىلىعى, بيوالۋاندىقتى قورعاۋ باعىتىنداعى جۇمىستارعا مەملەكەتتىك ورگانداردىڭ ءبارىن جۇمىلدىرۋ كەرەك. ەنەرگەتيكا مينيسترلىگى مەن اۋىل شارۋاشىلىعى مينيسترلىگى شىعاراتىن شەشىمدەرمەن شەكتەلمەۋ كەرەك. بۇل باستامالاردىڭ ءبارى جەكە سەكتورعا دا اسەر ەتۋى كەرەك. قازاقستانداعى 50 ءىرى كاسىپورىن قورشاعان ورتانى لاستايتىن قالدىقتىڭ 80 پايىزىن شىعارىپ وتىر. بۇل ماسەلەدە بىزگە تاراپتاردىڭ ءبارىن ۇيلەستىرۋ قاجەت. وسىنىڭ ءبارىن قولدايتىن مەحانيزم كەرەك. بۇۇ دا, بۇۇ-نىڭ دامۋ باعدارلاماسى دا بۇل ىسكە ۇيلەستىرۋشى رەتىندە قاتىسۋعا دايىن. ارينە, بىراق جەرگىلىكتى بيلىكتىڭ قولداۋى ەڭ نەگىزگى ماڭىزعا يە», دەدى بۇۇ وكىلى.