7 قىركۇيەكتە قازاقستان مەن يوردانيانىڭ سىرتقى ساياسي ۆەدومستۆولارى اراسىندا بەينەكونفەرەنتس-بايلانىس فورماتىندا ساياسي كونسۋلتاتسيالار ءوتتى, دەپ حابارلايدى Egemen.kz قر يوردانياداعى ەلشىلىگىنە سىلتەمە جاساپ.
ءىس-شارا بارىسىندا قازاقستان رەسپۋبليكاسى سىرتقى ىستەر مينيسترلىگى تاياۋ, ورتا شىعىس جانە افريكا دەپارتامەنتىنىڭ ديرەكتورى ونتالاپ وڭالباەۆ پەن يوردان حاشيميت كورولدىگىنىڭ سىرتقى ىستەر مينيسترلىگى ازيا جانە وكەانيا دەپارتامەنتىنىڭ ديرەكتورى مالەك تۋال ساياسي, ساۋدا-ەكونوميكالىق, ينۆەستيتسيالىق جانە مادەني-گۋمانيتارلىق سالالارداعى ەكىجاقتى ىنتىماقتاستىقتىڭ قازىرگى جاي-كۇيى مەن ودان ءارى دامۋ پەرسپەكتيۆالارىن قاراستىردى.
سونداي-اق, تاراپتار ەكى ەلدىڭ حالىقارالىق جانە وڭىرلىك ۇيىمدار اياسىنداعى, سونىڭ ىشىندە بۇۇ, يىۇ (اقيۇ) جانە اوسشك اياسىنداعى ءوزارا ءىس-قيمىلىنىڭ كەلەشەگىنە توقتالدى. ساياسي كونسۋلتاتسيالار شەڭبەرىندە تاياۋ شىعىستى رەتتەۋدى قوسا العاندا, حالىقارالىق جانە وڭىرلىك كۇن تارتىبىندەگى وزەكتى ماسەلەلەر, سيرياداعى, اۋعانستانداعى جانە باسقا دا ەلدەردەگى احۋال جونىندە پىكىرلەر الماستى.
كونسۋلتاتسيالاردىڭ ناتيجەلەرى بويىنشا ديپلوماتتار جاقىن ارادا ۇكىمەتارالىق كوميسسيانىڭ كەزەكتى 5-ءشى وتىرىسىن, سونداي-اق قازاقستان-يوردان بيزنەس-فورۋمىن وتكىزۋ تۋرالى ۋاعدالاستىققا قول جەتكىزدى.