جامبىل وبلىسى اكىمدىگىندە بىرقاتار كادرلىق وزگەرىس بولدى

رۇستەم رىسباي ۇلى داۋلەت 1974 جىلى جامبىل وبلىسىندا تۋعان, ءبىلىمى جوعارى.

ەڭبەك جولىن 1994 جىلى «بوستاندىق» اكتسيونەرلىك قوعامىنىڭ جۇمىسشىسى بولىپ باستاعان. وسى جىلدار ىشىندە تالاس اۋدانى بوستاندىق اۋىلدىق وكرۋگىنىڭ اكىمىنىڭ ورىنباسارى, اكىمى, قاراتاۋ قالاسى اكىمىنىڭ ورىنباسارى, قازاقستان رەسپۋبليكاسى پارلامەنتى سەناتى اپپاراتىنىڭ كەڭەسشىسى, قازاقستان رەسپۋبليكاسى يندۋستريا جانە ساۋدا مينيسترلىگىنىڭ ساۋدا كوميتەتىنىڭ باسقارما باسشىسى, «اليت» جشس باس ديرەكتورىنىڭ ورىنباسارى, قازاقستان رەسپۋبليكاسى پارلامەنتى سەناتى توراعاسى ورىنباسارىنىڭ كومەكشىسى, جامبىل اۋدانى اكىمىنىڭ ورىنباسارى, جامبىل جانە شۋ اۋداندارىنىڭ اكىمى, تاراز قالاسىنىڭ اكىمى, جامبىل وبلىسى اكىمىنىڭ كەڭەسشىسى, جامبىل وبلىسى اكىمىنىڭ اپپارات باسشىسىقىزمەتتەرىن اتقاردى, 2020 جىلدىڭ اقپان ايىنان باستاپ قورداي اۋدانىنىڭ اكىمى قىزمەتىن اتقارعان.

جامبىل وبلىسى اكىمىنىڭ وكىمىمەن قر پرەزيدەنتى اكىمشىلىگىنىڭ جانە قورداي اۋداندىق ءماسليحاتىنىڭ كەلىسىمدەرى بويىنشا مادەن مۇساەۆ قورداي اۋدانىنىڭ اكىمى بولىپ تاعايىندالدى.

مادەن توقتارباي ۇلى مۇساەۆ 1963 جىلى تۋعان, ءبىلىمى جوعارى.  

ەڭبەك جولىن 1989 جىلى «لەنين جولى» كەڭشارىندا مال دارىگەرى بولىپ باستاعان. سودان كەيىن قورداي اۋدانىندا ءارتۇرلى قىزمەتتەردى اتقارعان. 2004 - 2008 جىلدارى - شۋ اۋدانى اكىمىنىڭ ورىنباسارى. 2008 - 2010 جىلدارى مويىنقۇم اۋدانى اكىمدىگىن باسقاردى, 2010 - 2015 جىلدارى - الماتى وبلىسى ىلە اۋدانى اكىمىنىڭ ورىنباسارى, 2015 - 2017 جىلدارى - جامبىل اۋدانىنىڭ اكىمى, 2017-2018 جىلدارى - جامبىل وبلىسى اكىمىنىڭ ورىنباسارى قىزمەتتەرىن اتقاردى, 2018 جىلدىڭ قازان ايىنان باستاپ مويىنقۇم اۋدانىنىڭ اكىمى بولىپ جۇمىس ىستەدى.

جامبىل وبلىسى اكىمىنىڭ وكىمىمەن قر پرەزيدەنتى اكىمشىلىگىنىڭ جانە مويىنقۇم اۋداندىق ءماسليحاتىنىڭ كەلىسىمدەرى بويىنشا ءاليحان بالقىبەكوۆ مويىنقۇم اۋدانىنىڭ اكىمى بولىپ تاعايىندالدى.

ءاليحان ءابىلاش ۇلى بالقىبەكوۆ 1964 جىلى جامبىل وبلىسىندا تۋعان, ءبىلىمى جوعارى.

ەڭبەك جولىن 1988 جىلى تسەلينوگراد بارلاۋ ەكسپەديتسياسىندا گيدروگەولوگ بولىپ باستاعان. كەيىن ءار جىلدارى مويىنقۇم جانە شۋ اۋداندارى اكىمىنىڭ اپپاراتىندا ءتۇرلى قىزمەت اتقارعان.

2013 جىلدان باستاپ شۋ اۋدانى اكىمىنىڭ ورىنباسارى بولىپ جۇمىس ىستەگەن.

ايماق باسشىسى بەردىبەك ساپارباەۆ وبلىس اكىمىنىڭ تاعايىندالعان ورىنباسارى مەن اۋدانداردىڭ جاڭا باسشىلارىنا وبلىستىڭ الەۋمەتتىك-ەكونوميكالىق دامۋى, زاڭدىلىق پەن قۇقىقتىق ءتارتىپتى ساقتاۋ, قوعامداعى بىرلىك پەن كەلىسىمدى نىعايتۋ بويىنشا بىرقاتار مىندەتتەردى جۇكتەدى.