قر باس سانيتار دارىگەرى ەرلان قيسياوۆتىڭ 3 قىركۇيەكتەگى قاۋلىسى بويىنشا QazCovid-in ۆاكتسيناسىن ەگۋ جانە ساقتاۋ ءتارتىبى بەكىتىلدى, دەپ حابارلايدى Egemen.kz.
«QazCovid-in ۆاكتسيناسىن شىعارۋ نىسانى: 0,5 مل ء(بىر دوزا), 1,0 مل (ەكى دوزا), 1,5 مل ء(ۇش دوزا), 2,5 مل (بەس دوزا), سىيىمدىلىعى 3 مل, رەزەڭكە تىعىنمەن تىعىندالعان جانە Flip-off ءتيپتى پلاستيكالىق قاقپاعى بار مەتالل قالپاقپەن ورالعان, Ι سىنىپتاعى ءتۇسسىز شىنىدان جاسالعان قۇتىدا بولادى», دەپ جازىلعان قۇجاتتا.
سونداي-اق قاۋلىدا ۆاكتسينا قۇتىسى كەلۋشىلەردىڭ سانى ىشىندەگى دوزا سانىنا سايكەس رەتتەلىپ اشىلاتىنى ايتىلعان. ءبىر رەت ينەمەن تەسىلگەن قۇتىداعى ارتىلعان ۆاكتسينانى ءتيىستى تەمپەراتۋرادا 4 ساعات بويى ساقتاۋعا بولاتىنى كورسەتىلگەن.
«ينەمەن تەسىلگەن ورنىن سپيرتپەن وڭدەپ, ۆاكتسينا دوزاسىن العاننان كەيىن ىشىندە ۆاكتسيناسى بار اشىلعان قۇتىنى بىردەن قۇتىدا اشىلعان ۋاقىتىن كورسەتە وتىرىپ, تەمپەراتۋراسى پليۋس 2-دەن پليۋس 8ºس-قا دەيىنگى توڭازىتقىشقا ورنالاستىرادى. بۇل رەتتە ۆاكتسينانىڭ اشىلعان قۇتىسىن 4 ساعاتقا دەيىن ساقتاۋعا جول بەرىلەدى», دەپ جازىلعان قاۋلىدا.