وڭتۇستىك كورەيادا كوروناۆيرۋستىڭ جاڭا Mu شتامىن جۇقتىرعان ءۇش ناۋقاس انىقتالدى, دەپ حابارلايدى Egemen.kz The Korea Herald-قا سىلتەمە جاساپ.
كورەيالىق اۋرۋلاردى باقىلاۋ جانە الدىن الۋ اگەنتتىگىنىڭ مالىمەتتەرى بويىنشا, ءۇش ناۋقاس تا ينفەكتسيانى شەتەلدە جۇقتىرعان. ولار مەكسيكا, اقش جانە كولۋمبيادان مامىر, ماۋسىم جانە شىلدە ايلارىندا كەلگەن يمميگرانتتار بولىپ شىقتى.
«ەل ىشىندە اۋرۋ جاعدايلارى جوق», دەپ اتاپ ءوتتى وڭتۇستىك كورەيانىڭ دەنساۋلىق ساقتاۋ ورگانى.
ەل بيلىگى جاڭا شتامنىڭ تارالۋىن جانە ءولىم-ءجىتىمدى مۇقيات قاداعالايتىندارىن ايتتى.
Mu كوروناۆيرۋسىنىڭ جاڭا شتامى B.1.621 عىلىمي اتاۋىمەن بەلگىلى. جاڭا شتامم العاش رەت 2021 جىلدىڭ قاڭتارىندا كولۋمبيادا اشىلدى. بۇگىنگى تاڭدا ايماقتاعى بارلىق جاڭا جاعدايلاردىڭ 39 پايىزى وسى مۋتاتسيامەن بايلانىستى.
ددسۇ بۇل شتامدا سovid-19 ۆاكتسينالارىنا توزىمدىلىك قاۋپىن كورسەتەتىن مۋتاتسيالار بار دەپ مالىمدەدى.
ايتا كەتۋ كەرەك, Mu شتامى انىقتالعاننان بەرى, ونى جۇقتىرۋ دەرەكتەرى وڭتۇستىك امەريكا مەن ەۋروپادا تىركەلگەن.