قارجىلىق مونيتورينگ اگەنتتىگىنىڭ قىزىلوردا وبلىسى بويىنشا اۋماقتىق دەپارتامەنتى ەكى جىل بويى جالعان شوت-فاكتۋرالار جازىپ بەرۋمەن اينالىسقان قىلمىستىق توپتىڭ جولىن كەستى, دەپ جازادى Egemen.kz.
قارجىلىق بارلاۋ بارىسىندا «ناۋرىزسترويپروەكت» جشس باسشىسى مەن 5 جاۋاپتى تۇلعاسى جۇيەلى نەگىزدە بىرقاتار كاسىپورىندارعا شارتتىڭ جالپى سوماسىنىڭ 6% مولشەرىندە سىياقى ءۇشىن جالعان بۋحگالتەرلىك قۇجاتتار جازىپ بەرگەنى انىقتادى.
بۇدان ءارى تەرگەۋ «ناۋرىزسترويپروەكت» جشس-ءنىڭ قىزمەتكەرلەر شتاتى, مۇلكى جانە وندىرىستىك-تەحنيكالىق بازاسى جوق ەكەنىن, ال قۇجاتتاردا كورسەتىلگەن جۇمىستار (قىزمەتتەر) ءىس جۇزىندە ورىندالماعانىن انىقتادى. ناتيجەسىندە مەملەكەتكە 687 ميلليون تەڭگە كولەمىندە زالال كەلتىرىلدى.
قىلمىستىق توپتىڭ ءۇش مۇشەسى 2 جىلعا باس بوستاندىعىنان ايىرىلدى, قالعان ۇشەۋى 2 جىلعا شارتتى تۇردە سوتتالدى.
مەملەكەت كىرىسىنە 105 ميلليون تەڭگە كولەمىندە كەلتىرىلگەن زياننىڭ بولىگى ءوندىرىلىپ الىندى.