قازاقستان بەيبىتسۇيگىش ەلدەر رەيتينگىندە 67-ورىندى يەلەندى, دەپ حابارلايدى Egemen.kz Finprom.kz-كە سىلتەمە جاساپ.
ەلىمىزدە تەرروريزم جانە ەكسترەميزم توڭىرەگىندە تىركەلگەن قۇقىقبۇزۋشىلىقتار سانى بىردەن 20%-عا ارتتى.
ساراپشىلار 2021 جىلدىڭ قاڭتار-شىلدە ايلارىندا ەلدە 139 قۇقىقبۇزۋشىلىق تىركەلگەنىن اتاپ ءوتتى. 2020 جىلدىڭ ۇقساس كەزەڭىندە ەلىمىزدە وسىنداي 116 قۇقىقبۇزۋشىلىق تىركەلدى.
«وڭىرلىك بولىنىستە ەكسترەميزم مەن تەرروريزمگە بايلانىستى قۇقىقبۇزۋشىلىقتاردىڭ باسىم بولىگى تۇركىستان وبلىسىندا تىركەلدى», دەپ حابارلايدى ساراپشىلار.
سونداي-اق, ۇشتىككە جامبىل وبلىسى مەن شىمكەنت قالاسى دا كىردى. بۇل وڭىرلەردە جىل سايىن 16 قۇقىق بۇزۋشىلىق تىركەلەدى.
اعىمداعى جىلى ەڭ از قۇقىقبۇزۋشىلىقتار شىعىس قازاقستان مەن قوستاناي وبلىستارىندا تىركەلدى.
نەگىزىنەن, مۇنداي كەلەڭسىزدىكتىڭ كوبى الەۋمەت, ۇلت, رۋ, ءناسىل, تاپ نەمەسە ءدىن اينالاسىنداعى الاۋىزدىقتى قوزدىرۋمەن بايلانىستى. بيىل وتكەن جىلداعىداي 48 جاعداي تىركەلدى.
بۇدان باسقا, قۇقىقبۇزۋشىلىقتاردىڭ «تانىمال» تۇرلەرىنىڭ اراسىندا تەرروريزمدى ناسيحاتتاۋ نەمەسە تەرروريزم اكتىسىن جاساۋعا شاقىرۋ, سونداي-اق ولاردىڭ ەكسترەميزمدى نەمەسە تەرروريزمدى جۇزەگە اسىرۋىنا بايلانىستى قىزمەتىنە تىيىم سالۋ نەمەسە جويۋ تۋرالى سوت شەشىمىنەن كەيىن قوعامدىق نەمەسە ءدىني بىرلەستىكتىڭ نە وزگە دە ۇيىمنىڭ قىزمەتىن ۇيىمداستىرۋ جانە وعان قاتىسۋ اتاپ ءوتىلدى.
بەيبىتسۇيگىشتىك رەيتينگىسىندە قازاقستان 163 ەلدىڭ ىشىندە 67-ورىندى يەلەندى. ەل يندەكسى 1,94 قۇرادى. مۇنداعى يندەكس نەعۇرلىم جوعارى بولسا, ەل سوعۇرلىم بەيبىت دەپ سانالادى.
بەيبىتشىلىك يندەكسى سوعىستاردىڭ بولۋىن نەمەسە بولماۋىن عانا ەمەس, سونىمەن بىرگە زورلىق-زومبىلىقتىڭ بولماۋىن, ولاردان قورقۋ دەڭگەيىن, قاۋىپسىزدىكتى, جالعاسىپ جاتقان قاقتىعىستار مەن ميليتاريزاتسيانى دا ەسكەرەدى.
«رەيتينگتە تمد ەلدەرى اراسىندا مولدوۆا بەيبىتسۇيگىش جانە قاۋىپسىز بولىپ شىقتى. قىرعىزستان, وزبەكستان, ارمەنيا, تاجىكستان, تۇرىكمەنستان, بەلارۋس, ءازىربايجان, ۋكراينا جانە رەسەي سياقتى ەلدەر قازاقستاننان تومەن بولدى», دەپ ناقتىلادى زەرتتەۋشىلەر.
يسلانديا, جاڭا زەلانديا جانە دانيا اتالعان رەيتينگتە كوش باستاسا, اۋعانستان سوڭىندا قالدى.