باتىس قازاقستان وبلىسىندا 11 ادامنىڭ مالىن ۇرلاپ, 3 ملن-نان استام تەڭگە زالال كەلتىرگەن توپ قۇرىقتالدى, دەپ حابارلايدى Egemen.kz بقو پوليتسيا دەپارتامەنتىنىڭ رەسمي سايتىنا سىلتەمە جاساپ.
بقو پوليتسيا دەپارتامەنتىنىڭ ءباسپاسوز قىزمەتى ءمالىم ەتكەندەي, قازىرگى كەزدە تەرەكتى اۋدانىنىڭ 2004, 2003 جانە 1999 جىلعى ءۇش تۇرعىنىنا قاتىستى قر قك 188-1 3-بولىگىنە (مال ۇرلىعى) سوتقا دەيىنگى تەرگەۋ امالدارى جۇرگىزىلۋدە.
ۇيىمداسقان توپ بيىلعى مامىر ايىنان بەرى ءوزارا كەلىسىپ, مال ۇرلىعىمەن اينالىسىپ كەلگەن. ولار مالدى نەگىزىنەن ەركىن جايىلىمنان اكەتىپ وتىرعان.
تولىق اقپارات تەرگەۋ اياقتالعاننان كەيىن بەرىلەدى.