اقمولا وبلىسىنىڭ اكىمى ەرمەك مارجىقپاەۆ توكيو پاراليمپياداسىنان جەڭىسپەن ورالعان اقمولالىق پاراپاۋەرليفتەر داۆيد دەگتيارەۆكا جاڭا پاتەر مەن كولىكتىڭ كىلتىن تاپسىردى, دەپ حابارلايدى Egemen.kz.
ايماق باسشىسى ەرمەك مارجىقپاەۆ قۇتتىقتاۋ سوزىندە وڭىردە سپورت سالاسى قارقىندى دامىپ كەلە جاتقانىن, بۇقارالىق سپورتتى دامىتۋ ءۇشىن بىرقاتار شارۋالار تىندىرىلىپ جاتقانىن اتاپ ءوتتى.
«سپورت سالاسىندا 2 مىڭنان استام مامان ەڭبەك ەتەدى. ءوڭىردىڭ قالالارى مەن اۋىلدارىندا 2,5 مىڭ سپورت نىسانىندا 240 مىڭنان استام اۋەسقوي سپورتشىلار جاتتىعادى. داۆيد دەگتيارەۆ اقمولالىق اتلەتتەردىڭ داڭقتى جەڭىستەرى جىلناماسىندا لايىقتى ورىن الدى. ءبىز ونىڭ جەتىستىگىن ماقتان تۇتامىز جانە زور دەنساۋلىق پەن تابىس تىلەيمىز», دەپ اتاپ ءوتتى ەرمەك بورانباي ۇلى.
ە.مارجىقپاەۆ چەمپيونعا كولىكتىڭ كىلتىن جانە 3 بولمەلى جاڭا پاتەردىڭ سەرتيفيكاتىن تابىس ەتتى. ال, ونىڭ جاتتىقتىرۋشى يۋري كولەسنيكوۆ 5 ميلليون تەڭگە الدى.
«مەن جەڭىسىمدى تاماشا ەلىمە ارنايمىن», دەپ قۋنىشىمەن ءبولىستى داۆيد دەگتياروۆ.
ايتا كەتەيىك, توكيو ءوتىپ جاتقان پاراليمپيدادا اقمولالىق پاراپاۋەرليفتەر داۆيد دەگتيارەۆكا قازاقستان قورجىنىنا العاشقى التىن مەدال سالعان بولاتىن.