قازاقستاندا مەملەكەتتىك قىزمەتكە ورنالاسۋ ءۇشىن قازاق ءتىلىن ءبىلۋ مىندەتتى بولۋى مۇمكىن. مەملەكەتتىك قىزمەت ىستەرى اگەنتتىگى وسىنداي باستاما كوتەردى, دەپ حابارلايدى Egemen.kz.
بۇل تۋرالى «اشىق نقا» پورتالىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭىنىڭ جوباسى بويىنشا رەتتەۋشىلىك ساياساتتىڭ كونسۋلتاتيۆتىك قۇجاتىندا جاريالانعان.
«مەملەكەتتىك ورگانداردا قازاق ءتىلىنىڭ قولدانىسىن كەڭەيتۋ ماقساتىندا مەملەكەتتىك قىزمەتكە كىرۋ ءۇشىن مەملەكەتتىك ءتىل بىلىمىنە شەك قويۋعا بولادى دەپ ويلايمىز», دەلىنگەن قۇجاتتا.
سونداي-اق ۆەدومستۆو وكىلدەرى مەملەكەتتىك قىزمەتتىڭ جۇمىس جۇيەسى قوعامدىق قاتىناستار پروتسەستەرىمەن بايلانىستى ەكەنىن اتاپ ءوتتى.
«قوعامداعى قازاق-ورىس بيلينگۆيزمىنىڭ دامۋ سەرپىنى دە مەملەكەتتىك قىزمەتشىلەرگە قويىلاتىن تالاپتارعا اسەر ەتەتىنى ءسوزسىز», دەلىنگەن اگەنتتىك قۇجاتىندا.