قر پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا قر پرەزيدەنتى قاسىم-جومارت توقاەۆتىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» قازاقستان حالقىنا ارناعان جولداۋىن ىسكە اسىرۋ جونىندەگى شارالار قارالدى, دەپ جازادى Egemen.kz.
ۇلتتىق ەكونوميكا ءمينيسترى اسەت ەرعاليەۆ, ۇلتتىق بانك توراعاسى ەربولات دوساەۆ, قارجى ءمينيسترى ەرۇلان جاماۋباەۆ, اۋىل شارۋاشىلىعى ءمينيسترى ەربول قاراشوكەەۆ, يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ, ەنەرگەتيكا ءمينيسترى نۇرلان نوعاەۆ, ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ, ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ, دەنساۋلىق ساقتاۋ ءمينيسترى الەكسەي تسوي, ءبىلىم جانە عىلىم ءمينيسترى اسحات ايماعامبەتوۆ, تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين, ساۋدا جانە ينتەگراتسيا ۆيتسە-ءمينيسترى ەرجان قازانباەۆ, اقپارات جانە قوعامدىق دامۋ ۆيتسە-ءمينيسترى سەرىك ەگىزباەۆ بايانداما جاسادى.
«مەملەكەت باسشىسى ەلىمىزدىڭ ودان ءارى الەۋمەتتىك-ەكونوميكالىق دامۋىنىڭ نەگىزگى باسىمدىقتارىن بەلگىلەپ بەردى. پرەزيدەنتتىڭ العا قويعان مىندەتتەرى مەن باستامالارى قوعامنىڭ سۇرانىسى مەن زاماناۋي سىن-تەگەۋرىندەرگە نەگىزدەلگەن. ولاردىڭ ىسكە اسىرىلۋى ەكونوميكانىڭ ورنىقتىلىعى مەن باسەكەگە قابىلەتتىلىگىن ودان ءارى ارتتىرۋدىڭ, حالىقتىڭ ءال-اۋقاتىنىڭ ارتۋى مەن تۇرمىس ساپاسىنىڭ جاقسارۋىنىڭ فاكتورلارىنا اينالماق», دەدى ا. مامين.
پرەمەر-مينيستر جولداۋدى ىسكە اسىرۋ ۇكىمەتتىڭ ناقتى ءارى ۇيلەسىمدى ءىس-قيمىلىن تالاپ ەتەتىنىن اتاپ ءوتتى.
ۇكىمەت باسشىسى جولداۋدىڭ نەگىزگى باسىمدىعىنىڭ ءبىرى ازاماتتاردىڭ الەۋمەتتىك كوڭىل-كۇيىن جاقسارتىپ, ءال-اۋقاتىن ارتتىرۋ ەكەنىن اتاپ ءوتتى.
العا قويىلعان مىندەتتەردى شەشۋ حالىقتىڭ ناقتى تابىسىن, دەنساۋلىق ساقتاۋ جانە ءبىلىم بەرۋ جۇيەلەرىنىڭ تيىمدىلىگىن ارتتىرۋعا, ەڭبەك نارىعىنداعى احۋالدى جاقسارتۋعا, شاعىن جانە ورتا بيزنەستى دامىتۋعا, شيكىزاتتىق ەمەس ەكسپورت پەن ونىمدىلىكتىڭ وسۋىمەن ەكونوميكانى ودان ءارى ارتاراپتاندىرۋعا, ماكروەكونوميكالىق تۇراقتىلىقتى نىعايتۋعا, تسيفرلاندىرۋ ارقىلى مەملەكەتتىك باسقارۋ جۇيەسىن جەتىلدىرۋگە ىقپال ەتەتىن بولادى.پرەمەر-مينيستر ەلىمىزدىڭ ءاربىر وڭىرىندە ينفراقۇرىلىمدى جاڭعىرتۋعا, ءوڭىردىڭ ەرەكشەلىگىن ەسكەرە وتىرىپ, حالىقتىڭ تۇرمىس ساپاسى مەن تابىسىن ارتتىرۋ ءۇشىن نەعۇرلىم وزەكتى ماسەلەلەردى شەشۋگە باعىتتالعان ناقتى جوبالار ىسكە اسىرىلاتىنىن اتاپ ءوتتى.
مەملەكەت باسشىسىنىڭ وڭىرلىك دامۋ بويىنشا العا قويعان مىندەتتەرى اۋماقتىق دامۋ جوسپارىندا كورىنىس تابادى.
«جولداۋداعى بارلىق باعىتتى ىسكە اسىرۋ بويىنشا بيىلعى 7 قىركۇيەككە دەيىن جالپىۇلتتىق جوسپار ازىرلەنىپ, پرەزيدەنتتىڭ بەكىتۋىنە ەنگىزىلەدى», دەپ جازادى پرەمەر-ءمينيستردىڭ ءباسپاسوز قىزمەتى.
ۇكىمەت باسشىسى ءاربىر مەملەكەتتىك جانە جەرگىلىكتى اتقارۋشى ورگان مەملەكەت باسشىسىنىڭ تاپسىرمالارى مەن باستامالارىن ورىنداۋعا دەرەۋ كىرىسۋى ءتيىس ەكەنىن اتاپ ءوتتى.