الەمدىك رەيتينگتە 33-ورىندا تۇرعان قازاقستاندىق تەننيسشى يۋليا پۋتينتسەۆا مەن رەيتينگتە 110-ساتىعا جايعاسقان زارينا دياس 25 قىركۇيەك پەن 2 قازان ارالىعىندا نۇر-سۇلتاندا وتەتىن Astana Open WTA 250 تۋرنيرىنە قاتىسادى, دەپ حابارلايدى Egemen.kz.
قازاقستان تەننيس فەدەراتسياسى تاراتقان مالىمەت بويىنشا, وتانداستارىمىزدان بولەك, جارىسقا شاقىرتىلعان تەننيسشىلەردىڭ قاتارىندا الەمنىڭ 52-راكەتكاسى رەسەيلىك ليۋدميلا سامسونوۆا, الەمنىڭ بۇرىنعى ءبىرىنشى راكەتكاسى جانە «ۇلكەن دۋلىعا» دوداسىنىڭ بەس تۋرنيرىندە توپ جارعان فرانتسۋز كريستينا ملادەنوۆيچ, الەمنىڭ بۇرىنعى ەكىنشى راكەتكاسى جەكەلەي سىندا ەكى «ۇلكەن دۋلىعا» ءتۋرنيرىنىڭ ءفيناليسى – رەسەيلىك ۆەرا زۆونارەۆا بار.
حالىقارالىق تۋرنيردە سونداي-اق شۆەتسيالىق رەبەككا پەتەرسون (54), چەح قىزى تەرەزا مارتينتسوۆا (60), بەلگيا تەننيسشىسى اليسون ۆان ەيتۆانك (61), رۋمىنيالىق ويىنشى يرينا-كامەليا بەگۋ (63), سلوۆەنيالىق پولونا حەرتسوگ (86), حورۆاتتيالىق اننا كونيۋح (88) جانە باسقالار قاتىسادى.
تاعى ءتورت سپورتشى ىرىكتەۋ ارقىلى ءتۋرنيردىڭ نەگىزگى كەزەڭىنە وتەدى, ال قالعان تورتەۋى ۇيىمداستىرۋشىلاردان wild card الادى.