اگرارلىق سالادا سۋبسيديالاۋ تاسىلدەرىن قايتا قاراپ, تۇراقتاندىرۋ كەرەك. بۇل تۋرالى مەملەكەت باسشىسى قاسىم-جومارت توقاەۆ قازاقستان حالقىنا ارنالعان جولداۋىن جاريالاۋ كەزىندە ءمالىم ەتتى, دەپ حابارلايدى Egemen.kz.
ء«بىزدىڭ اگرارلىق ساياساتىمىزدا ساباقتاستىق بولماي وتىر. مينيستر اۋىسسا, سالانىڭ ساياساتى دا وزگەرەدى. مۇنداي جاعدايدا شارۋالارعا ادال جۇمىستى جوسپارلاۋ قيىنعا تۇسەدى. بىرىڭعاي نەگىزگى باعىت بولۋى قاجەت. سوعان سايكەس, سۋبسيديالاۋ تاسىلدەرىن قايتا قاراپ, تۇراقتاندىرۋ كەرەك», دەدى مەملەكەت باسشىسى.
«كەلەسى ماسەلەسى, سوڭعى 5 جىلدىڭ وزىندە سۋبسيديالاۋعا 2 ترلن تەڭگەدەن استام قارجى ءبولىندى. وكىنىشكە قاراي, اگروونەركاسىپ كەشەنىنە قاتىستى قوزعالعان قىلمىستىق ىستەردىڭ جارتىسىنان استامى سۋبسيديانى تالان-تاراجعا سالۋعا بايلانىستى بولىپ وتىر. بۇعان جول بەرۋگە بولمايدى. نورماتيۆتىك نەگىزىن نىعايتىپ, ءتيىمدى جوسپارلاۋ جانە مونيتورينگ جۇرگىزۋ جۇيەسىن ەنگىزۋ قاجەت. سۋبسيديانى راسىمدەۋ ءتارتىبى تۇسىنىكتى ءارى تولىعىمەن اشىق بولۋى ءتيىس. شاعىن جانە ورتا شارۋاشىلىقتار ءۇشىن سۋبسيديا تولىعىمەن قولجەتىمدى بولۋى كەرەك», دەدى پرەزيدەنت.