قر پارلامەنتى پالاتالارىنىڭ بىرلەسكەن وتىرىسى باستالدى. وتىرىستا مەملەكەت باسشىسى قاسىم-جومارت توقاەۆ قازاقستان حالقىنا جولداۋىن جاريالايدى, دەپ جازادى Egemen.kz.
«ەگەمەن ەل بولعانىمىزعا 30 جىل تولىپ وتىر. تاۋەلسىزدىك - ءبىزدىڭ ەڭ قاستەرلى قۇندىلىعىمىز. قازاقستان تۇڭعىش پرەزيدەنتىمىز ەلباسىنىڭ دارا ساياساتىنىڭ ارقاسىندا تباىستى ەل رەتىندە بۇكىل الەمگە تانىلدى. ەڭ باستى جەتىستىگىمىز - ءبىرتۇتاس ەل بولىپ جاڭا مەملەكەت قۇردىق. ىرگەمىزدى بەكىتىپ, ەڭسەمىزدى تىكتەدىك. حالىقارالىق قاۋىمداستىقتىڭ بەلدى مۇشەسىنە اينالدىق. تۇراقتى قوعام قالىپتاستىرىپ, ورنىقتى دامۋ جولىنا تۇستىك. مەملەكەتتىلىگىمىزدى نىعايتۋ ءۇشىن ءبىر ەل بولىپ ەڭبەك ەتىپ جاتىرمىز», دەدى پرەزيدەنت وتىرىسىتىڭ اشىلۋىندا.