شىعىس قازاقستان وبلىسى تارباعاتاي اۋدانىندا جەر ءۇيدىڭ اۋلاسىندا ءورت شىعىپ, 45 توننا پىشەن جانىپ كەتتى, دەپ حابارلايدى Egemen.kz شقو توتەنشە جاعدايلار دەپارتامەنتىنىڭ رەسمي سايتىنا سىلتەمە جاساپ.
شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, قابانباي اۋىلىنداعى جەكە تۇرعىن ءۇي اۋلاسىندا ساقتالعان 45 توننا پىشەن ورتەنگەن. ءتىلسىز جاۋ بىردەن شارۋاشىلىق قورا-جايعا تاراپ كەتتى. وقيعا ورنىنا ءورت سوندىرۋشىلەر شۇعىل كەلىپ جەتكەن.
«كوپ ۇزاماي قىزىل جالىن تولىقتاي اۋىزدىقتالدى. الدىن الا مالىمەت بويىنشا وتتىڭ شىعۋ سەبەبى – قاساقانا ورتەۋدەن بولۋى مۇمكىن. قازىرگى ۋاقىتتا ءتيىستى ماتەريالدار پوليتسيا قىزمەتكەرلەرىنە بەرىلدى», دەپ حابارلادى ۆەدومستۆو وكىلدەرى.