بۇگىن وسكەمەن قالاسىندا تەرروريزمگە قارسى جاتتىعۋ وتكىزىلەدى. بۇل تۋرالى تەرروريزمگە قارسى جەدەل شتابى حابارلادى, دەپ جازادى Egemen.kz.
«وقۋ-جاتتىعۋ بارىسىندا تەرروريستىك تۇرعىدان وسال وبەكتىلەردە تەرروريستىك جاعدايدىڭ وربۋىنە بايلانىستى جەدەل قيمىلداۋ شارالارى پىسىقتالادى», دەلىنگەن حابارلامادا.
سونىمەن قاتار, بىرقاتار شەكتەۋ شاراسى, سونىڭ ىشىندە كولىك قوزعالىسىنا شەكتەۋلەر قاراستىرىلعان.
«وسكەمەن قالاسى تۇرعىندارىن ۋاقىتشا شەكتەۋلەرگە تۇسىنىستىكپەن قاراۋعا, قاۋىپسىزدىك شارالارىن ساقتاۋعا جانە مەملەكەتتىك ورگانداردىڭ زاڭدى تالاپتارىن ساقتاۋعا شاقىرامىز», دەلىنگەن حابارلامادا.