جاڭا وقۋ جىلى قارساڭىندا قازاقستان ستراتەگيالىق زەرتتەۋلەر ينستيتۋتى 6-18 جاس ارالىعىنداعى مەكتەپ وقۋشىلارىنىڭ اتا-انالارى جانە قامقورشىلارىنا تەلەفون ارقىلى ساۋالناما جۇرگىزدى, دەپ جازادى Egemen.kz.
ساۋالناماعا تامىزدىڭ 16-سى مەن 22-ءسى ارالىعىندا ەلىمىزدىڭ بارلىق ايماقتارىنان, 14 وبلىس پەن رەسپۋبليكالىق ماڭىزى بار قالالار نۇر-سۇلتان, الماتى جانە شىمكەنتتەن 1200 رەسپوندەنت قاتىستى.
ساۋالنامانىڭ نەگىزگى ناتيجەسىندە مىنا جايتتار انىقتالدى.
اتا-انالاردىڭ كوپشىلىگى وقۋ پروتسەسىن ءداستۇرلى فورماتتا ۇيىمداستىرۋدى ءجون كورەدى, وفلاين فورماتقا قايتىپ كوشۋ ءۇشىن اتا-انالار ءبىلىم ورداسىندا سانيتارلىق تالاپتاردى تولىققاندى ساقتاۋعا دايىن.
اتا-انالاردىڭ 2/3 بولىگىنەن استامى مەكتەپ عيماراتىنا "اشىق" قوسىمشاسى ارقىلى كىرۋ تالابىن قولدايدى.
ەكپەنىڭ ءتۇرىن تاڭداۋدى ۇسىنعان جاعدايدا ساۋالناماعا جاۋاپ بەرگەن اتا-انالاردىڭ 19,6% ءوز بالاسىنا ەكپە سالدىرۋعا دايىن.
بالالارعا ەكپە سالۋدان باس تارتۋدىڭ نەگىزگى سەبەپتەرىنىڭ ءبىرى - بالالاردا ءساتتى سىناقتان وتكەن ەكپەنىڭ بولماۋى.