كورەيا رەسپۋبليكاسىنىڭ قازاقستانداعى ەلشىلىگى بايزاق اۋدانىندا جارىلىستان قازا تاپقانداردى ەسكە الىپ, مەملەكەتتىك تۋىن ءتۇسىردى, دەپ جازادى Egemen.kz.
كورەيا رەسپۋبليكاسىنىڭ قازاقستان رەسپۋبليكاسىنداعى ەلشىلىگى 2021 جىلعى 26 تامىزدا قازاقستان رەسپۋبليكاسىنىڭ جامبىل وبلىسى بايزاق ايماعىنداعى اسكەري بولىمدە بولعان جارىلىس سالدارىنان قازا تاپقانداردى ەسكە الدى. ەلشىلىك جالپىۇلتتىق ازا تۇتۋ كۇنىندە ەلشىلىك عيماراتىندا كورەيا رەسپۋبليكاسىنىڭ مەملەكەتتىك تۋى تومەن ءتۇسىردى.
«جارىلىستا قازا تاپقان اسكەري قىزمەتشىلەردىڭ وتباسى مەن تۋعان-تۋىستارىنىڭ قايعىسىنا ورتاقتاسىپ كوڭىل ايتامىن. قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ كوشباسشىلىعىمەن وقيعانىڭ سالدارى تەز ارادا جويىلىپ, قالپىنا كەلتىرىلەدى دەپ سەنەمىن», دەدى كورەيا رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى كۋ حونگ-سوك.