جامبىل وبلىسىنداعى جارىلىسقا بايلانىستى ەلىمىزدە جالپىۇلتتىق ازا تۇتۋ كۇنى جاريالانىپ, مەملەكەتتىك تۋ تومەن ءتۇسىرىلدى, دەپ حابارلايدى Egemen.kz.
13 ادامنىڭ ءومىرىن قيعان قايعىلى وقيعاعا بايلانىستى 29 تامىز كۇنى ساعات 00:00-دە ەلوردادا ورنالاسقان ەلىمىزدىڭ باس بايراعى تومەن ءتۇسىرىلدى.
«جامبىل وبلىسى بايزاق اۋدانىنداعى ادام ولىمىنە اكەپ سوقتىرعان قايعىلى وقيعاعا بايلانىستى 29 تامىزدى جالپىۇلتتىق ازا تۇتۋ كۇنى دەپ جاريالايمىن. قازا بولعان اسكەري قىزمەتشىلەر مەن قۇتقارۋشىلار ەرەن ەرلىك پەن ناعىز جانقيارلىق كورسەتتى. ەرلەرىمىزدىڭ ەسىمى ەل جادىندا ماڭگى ساقتالادى», دەدى مەملەكەت باسشىسى قاسىم-جومارت توقاەۆ.
بۇل ەل تاريحىندا ونىنشى رەت جاريالانىپ وتىرعان جالپىۇلتتىق ازا تۇتۋ كۇنى.
ەسكە سالا كەتسەك, 26 تامىز كۇنى ساعات 19:00 شاماسىندا جامبىل وبلىسى, بايزاق اۋدانىندا اسكەري ءبولىمنىڭ قويماسىنداعى شىققان ءورت پەن جارىلىستار سالدارىنان 13 ادام قازا تاۋىپ, 98 ادام جاراقات الدى.