قازاقستان ۇلتتىق بانكى نومينالى 500 تەڭگەلىك كۇمىس جانە نومينالى 100 تەڭگەلىك نەيزيلبەر قوسپاسىنان «SEMEI IADROLYQ POLIGONYNYŃ JABYLǴANYNA 30 JYL» كوللەكتسيالىق مونەتالارىن اينالىمعا شىعارادى, دەپ حابارلايدى Egemen.kz.
كوللەكتسيالىق مونەتالاردى شىعارۋ سەمەي يادرولىق پوليگونىنىڭ جابىلعان كۇنىنەن باستاپ 30 جىل تولۋىنا ورايلاستىرىلعان. مونەتالاردى ساتۋ كۇنى تۋرالى اقپارات قۇب سايتىندا قوسىمشا جاريالاناتىن بولادى.
مونەتا ديزاينىنىڭ تۇجىرىمداماسى يادرولىق سىناقتاردىڭ تاريحىن سۋرەتتەيدى. «ساڭىراۋقۇلاق» تۇرىندەگى يادرولىق جارىلىستىڭ ستيلدەندىرىلگەن بەينەسى ەكى بولىكتەن تۇرادى. سول جاق بولىگى يادرولىق سىناقتاردىڭ تاريحىن بەينەلەيدى جانە قۇربان بولعان ادام ءومىرى مەن شىرعالاڭعا تۇسكەن تاعدىرىن بەينەلەيتىن سىنىق كەسكىندەر تۇرىندە بەرىلگەن. وڭ جاق بولىگى زارداپ شەككەن تابيعاتتىڭ سيمۆولى رەتىندە قۇرعاق اعاشتىڭ ستيلدەندىرىلگەن بەينەسىندە جاسالعان. كەۋىپ كەتكەن اعاش بۇتاعىنداعى جاسىل جاپىراقتىڭ بەينەسى – قايتا ورلەۋ مەن قىلاڭ بەرگەن ءۇمىت بەلگىسى.
كۇمىستەن جاسالعان مونەتالار كادەسىيلىق ورامدا شىعارىلىپ, قر ۇلتتىق بانكىنىڭ مەملەكەتتىك تىلدەگى, ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.
نومينالى 500 جانە 100 تەڭگەلىك كوللەكتسيالىق مونەتالار تولەمنىڭ بارلىق ءتۇرى بويىنشا قازاقستان رەسپۋبليكاسىنىڭ بۇكىل اۋماعىندا ولاردىڭ بەلگىلەنگەن قۇنىمەن قابىلدانۋعا, سونداي-اق بانك شوتتارىنا ەسەپكە الىنۋعا جانە اۋدارىلۋعا مىندەتتى. سونىمەن بىرگە قازاقستان رەسپۋبليكاسىنىڭ بارلىق بانكىندە شەكتەۋسىز ۇساقتالادى جانە ايىرباستالادى.