قاسىم-جومارت توقاەۆ جامبىل وبلىسىندا بولعان توتەنشە وقيعا سالدارىنان قازا تاپقان ازاماتتاردىڭ وتباسىلارىنا كوڭىل ايتىپ, زارداپ شەككەن ادامداردىڭ تەزىرەك ساۋىعىپ كەتۋىنە تىلەكتەستىك بىلدىرگەنىن حابارلايدى Egemen.kz akorda.kz-كە سىلتەمە جاساپ.
«كەشە جامبىل وبلىسىنىڭ بايزاق اۋدانىندا توتەنشە وقيعا بولدى. قارۋلى كۇشتەرىمىزدىڭ وق-ءدارىسى ساقتالاتىن قويمانىڭ بىرىنەن ءورت شىقتى. ارتىنان بىرنەشە جارىلىس بولدى. جەرگىلىكتى تۇرعىندار امان-ەسەن. وكىنىشكە قاراي, اسكەري قىزمەتشىلەر مەن قۇتقارۋشىلار اراسىندا ادام شىعىنى بار. ولار قىزمەتتىك مىندەتىن اتقارۋ بارىسىندا ەرلىكپەن قازا تاپتى. قايتىس بولعان ازاماتتاردىڭ وتباسىلارىنا قايعىلارىنا ورتاقتاسىپ, كوڭىل ايتامىن. جاراقات العان ادامداردىڭ تەزىرەك ساۋىعىپ كەتۋىن تىلەيمىن», دەدى مەملەكەت باسشىسى.