بۇل تۋرالى قالا اكىمى باقىتجان ساعىنتاەۆتىڭ تۇركسىب اۋدانىنا جۇمىس ساپارى كەزىندە بەلگىلى بولدى, دەپ جازادى Egemen.kz.
«نۇرشاشقان» ىقشاماۋدانىندا 28,8 شاقىرىم سۋ قۇبىرى مەن 18,6 شاقىرىم سۋ بۇرۋ جەلىسىنىڭ قۇرىلىسى اياقتالۋعا جاقىن. ورتالىقتاندىرىلعان جۇيە 821 ءۇيدى قامتاماسىز ەتەدى, تۇرعىندار سانى - 3,5 مىڭ ادام.
قايرات ىقشاماۋدانىندا 1 292 ءۇي بار, 5,5 مىڭنان استام ادام تۇرادى. سۋمەن جابدىقتاۋدىڭ جاڭا جەلىلەرىنە قوسۋ اياقتالدى. جولداردى قالپىنا كەلتىرۋ جانە سالۋ جالعاسىپ جاتىر. ۇزىندىعى 20 شاقىرىمنان اساتىن 43 كوشە اسفالتتالدى, 21 كوشەدە جۇمىس جالعاسىپ جاتىر.
سونداي-اق مەگاپوليس اكىمىنە زاكارپاتسكايا كوشەسىنىڭ بويىندا ينجەنەرلىك جەلىلەر قۇرىلىسىنىڭ جوسپارى كورسەتىلدى. وندا 70 ءۇي بار, 290 ادام تۇرادى. 4,5 سۋ قۇبىرىن جۇرگىزۋ جوسپارلانعان.