قازاقستان پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى قازاقستانعا رەسمي ساپارىمەن كەلگەن شۆەيتساريا كونفەدەراتسياسى فەدەرالدىق جينالىسى ۇلتتىق كەڭەسىنىڭ توراعاسى اندرەاس ەبيمەن كەزدەستى, دەپ جازادى Egemen.kz.
تاراپتار COVID-19 پاندەمياسىنا قاراماستان, قازاقستان مەن شۆەيتساريا ەكىجاقتى كۇن ءتارتىبىنىڭ بارلىق سپەكترى بويىنشا بەلسەندى ءوزارا ءىس-قيمىلدى جالعاستىرىپ جاتقانىنا قاناعاتتاناتىنىن اتاپ ءوتتى. مامىر ايىنىڭ سوڭىندا مەملەكەت باسشىلارىنىڭ بەينەكونفەرەنتسيا فورماتىنداعى كەلىسسوزدەرى, قر پرەزيدەنتى ق.توقاەۆتىڭ شۆەيتسارياعا رەسمي ساپارى جوسپارلانعان.
كەزدەسۋدە شۆەيتساريا وكىلەتتى بيزنەس-دەلەگاتسياسىنىڭ 2021 جىلعى مامىرداعى قازاقستانعا ساپارىنىڭ قورىتىندىسى مەن ىسكەرلىك كەڭەستىڭ قىزمەتى تالقىلاندى.
ەكىجاقتى ىنتىماقتاستىقتى نىعايتۋدا پارلامەنت ديپلوماتياسىنىڭ ماڭىزدى ەكەنى ايتىلدى. تاراپتار «قازاقستان – شۆەيتساريا» پارلامەنتارالىق ىنتىماقتاستىق توبى اياسىندا ەكى ەل پارلامەنتشىلەرىنىڭ بەلسەندى ءوزارا ءىس-قيمىلىن قۇپتادى.
قازىر شۆەيتساريا قازاقستان ەكونوميكاسىنىڭ كولەمى بويىنشا ءۇشىنشى ينۆەستورى. وندا شۆەيتساريالىق كاپيتالدىڭ قاتىسۋىمەن 400-دەن استام كومپانيا جۇمىس ىستەيدى.