قر ۇلتتىق مۋزەيىندە نۇر-سۇلتان قالاسى اكىمدىگىنىڭ ۇيىمداستىرۋىمەن ء«دىني فۋندامەنتاليزمنىڭ ءدىني-ساياسي وزەكتى ماسەلەلەرى» تاقىرىبىندا سەمينار ءوتتى, دەپ جازادى Egemen.kz.
سەمينارعا قر اقپارات جانە قوعامدىق دامۋ مينيسترلىگى ءدىن ىستەرى كوميتەتىنىڭ توراعاسى ەرجان نۇكەجانوۆ, نۇر-سۇلتان قالاسى اكىمدىگى ءدىن ىستەرى باسقارماسىنىڭ باسشىسى نۇرداۋلەت المۇحانوۆ, قمدب توراعاسىنىڭ ورىنباسارى, نايب ءمۇفتي ەرشات وڭعاروۆ جانە قمدب نۇر-سۇلتان قالاسىنداعى يمامدارى قاتىستى.
ء«ىس-شارا بارىسىندا ە.نۇكەجانوۆ ءدىن ىستەرى كوميتەتى قىزمەتىنىڭ ءۇش نەگىزگى باعىتى, سونىڭ ىشىندە حالىق اراسىنداعى اقپاراتتىق-ءتۇسىندىرۋ جۇمىستارى, ينتەرنەت-كەڭىستىكتە ءدىني ەكسترەميزم كورىنىستەرىنىڭ الدىن الۋ, دەسترۋكتيۆتى ءدىني اعىم ۇستانۋشىلارىن وڭالتۋ جانە ولاردى الەۋمەتتىك ورتاعا قايتا بەيىمدەۋ شارالارى تۋرالى ايتىپ بەردى», دەپ جازادى اقپارات مينيسترلىگىنىڭ ءباسپاسوز قىزمەتى.
سونىمەن قاتار قمدب مەشىت يمامدارىنىڭ ءبىلىمى مەن بىلىكتىلىگىن ارتتىرۋ, تىيىم سالىنعان اعىمدا جۇرگەن ازاماتتاردى وڭالتۋ جانە ولاردى قايتا بەيىمدەۋ, سونداي-اق ينتەرنەت كەڭىستىكتە جۇمىس جاسايتىن ءدىني قىزمەتكەرلەردىڭ زاماناۋي كوممۋنيكاتسيالىق داعدىسىن دامىتۋ جونىندە بىرقاتار ۇسىنىس ايتتى.
ءىس-شارا سوڭىندا قاتىسۋشىلار ءدىن سالاسىنداعى مەملەكەتتىك ساياساتتى جۇزەگە اسىرۋ جونىندە ارى قاراي ىنتىماقتاستىققا دايىن ەكەنىن ءبىلدىردى.