جاپونيا دەنساۋلىق ساقتاۋ مينيسترلىگى Moderna ۆاكتسيناسىنىڭ قۇرامىنان بوگدە زات تابىلعانىن جاريالادى, دەپ جازادى Egemen.kz.
Moderna ۆاكتسيناسىن ەلدە ساتۋ مەن تاراتۋعا جاۋاپ بەرەتىن Takeda Pharmaceutical Co. جاپون فارماتسەۆتيكالىق كومپانياسى ۆاكتسينانىڭ دەنساۋلىققا قاۋىپ تۋدىراتىنى تۋرالى ناقتى مالىمدەمە الماعانىن ايتتى.
Kyodo اگەنتتىگىنىڭ جازۋىنشا, 39 امپۋلادان تابىلعان بوگدە زات مولشەرى بىرنەشە ميلليمەتردى قۇراعان. Takeda وندىرۋشىلەردەن شۇعىل تۇردە ۆاكتسينا قۇرامىن زەرتتەۋدى سۇرادى. Moderna تابىلعان زاتتاردى زەرتتەپ جاتىر.
16 تامىزدان باستاپ يباراكي, سايتاما, توكيو, گيفۋ جانە ايچي پرەفەكتۋرالارىنداعى سەگىز ەگۋ ورنىنداعى ۆاكتسينالاردان بوگدە زات انىقتالعان.
مينيسترلىكتىڭ مالىمەتىنشە, ۆاكتسينانىڭ 1,63 ميلليون دوزاسى يسپانيادا ءبىر ۋاقىتتا 3004667, 3004734 جانە 3004956 نومىرلەرىمەن شىعارىلعان. بارلىق دوزا 863 ۆاكتسيناتسيا نۇكتەسى اراسىندا تاراتىلعان. قازىر ولارعا ەكپەنى ۋاقىتشا قولدانباۋ تۋرالى حابارلاندى.
ۇكىمەت حالىقتى ۆاكتسينا سالدىرۋعا شاقىرعانىمەن, رەسپۋبليكانىڭ كوپتەگەن ايماعىندا «دەلتا» شتامىنىڭ تارالۋىنا بايلانىستى اۋرۋشاڭدىق ارتقانى بايقالادى. ۇكىمەتتىڭ حابارلاۋىنشا, ۆاكتسينا بۇكىل ەل بويىنشا 10 ميلليوننان استام دوزادا قولدانىلعان. ۇكىمەت مامىردا Moderna ۆاكتسيناسىن شۇعىل قولدانۋعا رۇقسات بەردى. قىركۇيەكتىڭ سوڭىنا دەيىن قوسىمشا 50 ميلليون دوزا Moderna الۋدى جوسپارلاپ وتىر.