2021 جىلدىڭ 5 قازانىندا «بايقوڭىر» عارىش ايلاعىنان ەرەكشە ەكيپاجى بار «سويۋز مس-19» باسقارىلاتىن كولىك قۇرالىن ۇشىرۋ جوسپارلانۋدا, ول وربيتادا تۇڭعىش كوركەم فيلم تۇسىرەدى.
عارىشتىق ءتۇسىرىلىم توبىنىڭ ۇشۋعا دايىندىق بارىسى رەسەيدىڭ ءبىرىنشى ارناسىنىڭ روسكوسموسپەن بىرىگىپ شىعاراتىن تەلەۆيزيالىق جوباسىندا ايتىلدى.
عارىش كەمەسىنىڭ كومانديرى, رەسەيلىك عارىشكەر انتون شكاپلەروۆ, اكتريسا يۋليا پەرەسيلد, رەجيسسەر مەن وپەراتور كليم شيپەنكو عارىشقا ۇشاتىن جەكە سكافاندرلاردا جاتتىعۋ جۇرگىزىپ جاتىر.
«ۇشۋعا ءبىر ايدان از ۋاقىت قالدى. ءتۇسىرىلىم توبى عارىش ستانتسياسىندا 12 كۇن بولادى. ولار وسى ۋاقىت ىشىندە ءفيلمنىڭ ۇشتەن ءبىر بولىگىن ءتۇسىرۋ كەرەك. بۇل شامامەن 40 مينۋتتىق سيۋجەتتى قامتيدى. عارىشتاعى ءتۇسىرىلىم كەستەسىنىڭ عانا ەمەس, ءار ساعاتى جوسپارلانىپ, دميتري روگوزينمەن كەزدەسۋدە تالقىلاندى», دەدى جۇلدىزدى قالاداعى عارىشكەرلەردى دايارلاۋ ورتالىعىنىڭ تەلەجۇرگىزۋشىسى.
روسكوسموس باسشىسى دميتري روگوزين يلون ماسكتى, ريچارد برانسوندى جانە دجەفف بازوستى بايقوڭىر عارىش ايلاعىنان باسقارىلاتىن ۇشۋدى باقىلاۋعا شاقىردى.
«بۇگىن مەن ءبىز قۇرمەتتەيتىن يلون ماسك مىرزاعا شاقىرتۋ جىبەرەمىن. ارينە, ءبىز برانسون مىرزانى, بەزوس مىرزانى شاقىرعىمىز كەلەدى. ەگەر عارىشتىق ەنتۋزياستاردىڭ كەرەمەت ۇشتىگى ءبىزدىڭ جوبانى جانە عارىش كەمەسىن ۇشىرۋ كەزىندە بايقوڭىردا بولسا, مەنىڭ ويىمشا, بۇل عارىش بىرەگەي ادامدار كەزدەسەتىن ەرەكشە ورتا ەكەندىگىنە جانە بارلىق پروبلەمالارعا قاراماستان, كۇش بىرىكتىرۋگە ىقپال ەتەدى», دەدى روسكوسموس باسشىسى.