اۋىلدا تۇراتىن قىلقالام شەبەرى ەلباسى جولداۋىن تىڭداپ وتىرىپ, ىلە-شالا «ماڭگىلىك ەل» كومپوزيتسياسىن سالعان
اۋىلدا تۇراتىن قىلقالام شەبەرى ەلباسى جولداۋىن تىڭداپ وتىرىپ, ىلە-شالا «ماڭگىلىك ەل» كومپوزيتسياسىن سالعان
سان قىرلى ونەرىمەن تانىلىپ, تۋعان ولكەسىنىڭ بەدەلىن كوتەرىپ جۇرگەن قىلقالام شەبەرى قالي قورالاسباەۆ – شۋ ءوڭىرىنىڭ ازاماتى. بەينەلەۋ ونەرىنىڭ ءتورت باعىتىندا ەڭبەكتەنىپ جۇرگەن تالانت يەسى بيىلعى ەلباسىنىڭ جولداۋىن تىڭداپ وتىرىپ, «ماڭگىلىك ەل» اتتى كومپوزيتسيانى قاعازعا ءتۇسىرىپ, رەداكتسياعا جولداپتى.
كوكىرەگىندەگى ءبىر عانا ويدى مايلى بوياۋ, گرافيكالىق كەسكىندەمە, سۋ بوياۋ, تاستان قاشالعان مۇسىندەرمەن, جىرلارىمەن دە سومدايتىن سۋرەتشى: «جولداۋدى تىڭداپ وتىرىپ, قولىم قالاي قالامعا جۇگىرە بەرگەنىن بايقاماي دا قالىپپىن. مەنىڭ تۇسىنىگىمدەگى «ماڭگىلىك ەل» يدەياسى وسىنداي. ەلباسىنىڭ 2014 جىلعى 17 قاڭتارداعى جولداۋىندا باستى تاقىرىبى اتا-بابالارىمىزدىڭ اڭساپ وتكەن «ماڭگىلىك ەل» ستراتەگياسى بولدى. «ماڭگىلىك ەل» دەگەندە قازاق حالقىنىڭ تاريحى, ءتىلى, ءدىلى جانە ۇلتتىق قۇندىلىقتارى الدىمەن اۋىزعا ورالادى», دەيدى.
باستى تاقىرىبى قازاقتىڭ جانى, تاريحى, تابيعاتى بولىپ تابىلاتىن ونەرپاز اۋىلدا تۇرىپ-اق الماتىنىڭ قاق تورىندە, ۇلكەن قالالاردا ونعا تارتا كورمە وتكىزگەن, ءسويتىپ, قابىلەتىمەن شىعارماشىلىق قاۋىمداستىقتى مويىنداتقان.
ءوز وتانىن شەكسىز سۇيەتىن, وتانشىلدىق تۋىندىلار تۋدىرا العان, ۇلتتىق قۇندىلىقتارىمىزدى بويىنا سىڭىرگەن, سالت-ءداستۇرىمىز بەن تاريحىمىزدىڭ تامىرىنان ءنار الىپ, قازاقتىڭ مارجان سوزىمەن قارۋلانعان, جاستارعا ەڭبەكسۇيگىشتىگى ۇلگى بولاتىن سۋرەتشى-ءمۇسىنشى ءارى كاريكاتۋراشى, «بالالار ءجاسوسپىرىم ورتالىعىنىڭ ديرەكتورى», حالىقارالىق جوعارى قوعام مەدالىنىڭ يەگەرى قالي قورالاسباەۆ جامبىل وبلىسىنىڭ شۋ اۋدانىنداعى, تولەبي اۋىلىندا تۇرادى.
ايناش ەسالي,
«ەگەمەن قازاقستان».
–––––––––––––––––––
سۋرەتتە: «ماڭگىلىك ەل» كومپوزيتسياسى.