تەل-اۆيۆتە قازاقستان قورعانىس ءمينيسترىنىڭ رەسمي ساپارى بارىسىندا قازاقستان مەن يزرايل قورعانىس ۆەدومستۆولارى باسشىلارىنىڭ كەزدەسۋى بولدى. كەزدەسۋ بارىسىندا ادىلبەك جاقسىبەكوۆ پەن موشە ياالون ەكى ەل اراسىنداعى اسكەري جانە اسكەري-تەحنيكالىق ىنتىماقتاستىقتىڭ اعىمداعى جاعدايى مەن پەرسپەكتيۆالارىن تالقىلادى.
تەل-اۆيۆتە قازاقستان قورعانىس ءمينيسترىنىڭ رەسمي ساپارى بارىسىندا قازاقستان مەن يزرايل قورعانىس ۆەدومستۆولارى باسشىلارىنىڭ كەزدەسۋى بولدى. كەزدەسۋ بارىسىندا ادىلبەك جاقسىبەكوۆ پەن موشە ياالون ەكى ەل اراسىنداعى اسكەري جانە اسكەري-تەحنيكالىق ىنتىماقتاستىقتىڭ اعىمداعى جاعدايى مەن پەرسپەكتيۆالارىن تالقىلادى.
– قازاقستان ءىس جۇزىندە تاۋەلسىزدىك العان ۋاقىتتان بەرى يزرايلمەن ديپلوماتيالىق قارىم-قاتىناسىن جالعاستىرىپ كەلەدى. قازاقستان قورعانىس ۆەدومستۆوسى يزرايلدىك تاراپپەن اسكەري جانە اسكەري-تەحنيكالىق ىنتىماقتاستىقتى ودان ءارى دامىتۋعا مۇددەلى, ول قازىرگى ۋاقىتتا ايتارلىقتاي جاندانا ءتۇستى, – دەدى ءا.جاقسىبەكوۆ ءوز سوزىندە.
ءوز كەزەگىندە يزرايل قورعانىس ءمينيسترى موشە ياالون قازاقستان قورعانىس ءمينيسترىنىڭ يزرايل مەملەكەتىنە العاشقى رەسمي ساپارى ەكى ەل قورعانىس ۆەدومستۆولارى اراسىنداعى ءوزارا ءىس-قيمىلدى ودان ءارى دامىتۋعا وڭ ىقپال ەتەتىنىن اتاپ ءوتتى.
تاراپتار قازاقستان مەن يزرايلدىڭ اسكەري ىنتىماقتاستىعى تەل-اۆيۆتە قول قويىلعان اسكەري-تەحنيكالىق ىنتىماقتاستىق تۋرالى ۇكىمەتارالىق كەلىسىمدى ىسكە اسىرۋ شەڭبەرىندە جاڭا قارقىنعا يە بولاتىنىن اتاپ ءوتتى.
ءا.جاقسىبەكوۆ وسى كەلىسىم ەكى ەل قورعانىس ۆەدومستۆولارىنىڭ جاقسى پەرسپەكتيۆالىق ءوزارا ءىس-قيمىلىنا باعىتتالعان تاعى ءبىر قادام بولادى دەگەن ءۇمىتىن جەتكىزدى.
– قازاقستاننىڭ ءوز قارۋلى كۇشتەرىن جەتىلدىرۋ نيەتىن ەسكەرە وتىرىپ, بىزگە يزرايل ارمياسىنىڭ جاۋىنگەرلىك دايارلىق تاجىريبەسى قاجەت جانە ماڭىزدى, ءبىز ۆەدومستۆولارىمىزدىڭ تەڭ قۇقىلى جانە ءوزارا ءتيىمدى نەگىزدەگى ىنتىماقتاستىعىن جۇزەگە اسىرا الامىز, – دەدى قازاقستان قورعانىس ۆەدومستۆوسىنىڭ باسشىسى.
ارناۋلى ماقساتتاعى كۇشتەر اراسىنداعى بايلانىستى جولعا قويۋ ماقساتىندا ءا.جاقسىبەكوۆ يزرايل قارۋلى كۇشتەرىنىڭ وكىلدەرىن 14-19 شىلدەدە سپاسسكىدە وتەتىن «التىن ۇكى» مەرگەندەر جۇپتارىنىڭ حالىقارالىق جارىسىنا قاتىسۋعا شاقىردى.
يزرايلگە رەسمي ساپارى بارىسىندا قورعانىس ءمينيسترى باستاعان قازاقستاندىق اسكەري دەلەگاتسيا بىرقاتار الەمدىك اسكەري تەحنيكا ءوندىرۋشى كومپانيالاردا: قارۋ-جاراق جۇيەلەرىن وندىرۋمەن, جاڭعىرتۋمەن جانە اسكەرلەرگە ينتەگراتسيالاۋمەن اينالىساتىن Israel Military Industries (IMI); قارۋ-جاراقتىڭ ءار ءتۇرىن, ۇشاقسىز ۇشاتىن اپپاراتتار جۇيەلەرىن, اۆيونيكانى, راديولوكاتسيانى ازىرلەۋ جانە جاڭعىرتۋ جونىندەگى, عارىشتىق بارلاۋ جەرسەرىكتەرىن ازىرلەۋگە قاتىساتىن «Elbit Systems», اۋە شابۋىلىنا قارسى قورعانىس جۇيەلەرىنىڭ زىمىراندارى مەن اۆياتسيالىق تەحنولوگيالارىن, تاكتيكالىق زىمىران قارۋىن شىعاراتىن «Rafael» كومپانيالارىندا بولدى. كومپانيالاردىڭ پوليگوندارىندا قازاقستاندىق اسكەري دەلەگاتسياعا شىعارىلاتىن قارۋ-جاراقتىڭ ءىس جۇزىندە قولدانىلۋى كورسەتىلدى.
اسكەري-تەحنيكالىق سالادا ءارى قاراي ءوزارا ءىس-قيمىلدى جولعا قويۋ ءۇشىن قازاقستان قورعانىس ۆەدومستۆوسىنىڭ باسشىسى ءيزرايلدىڭ قورعانىس كومپانيالارىن مامىر ايىندا استانادا وتەتىن حالىقارالىق «كادەكس-2014» قارۋ-جاراق پەن اسكەري-تەحنيكالىق م ۇلىك كورمەسىنە قاتىسۋعا شاقىردى.
«ەگەمەن-اقپارات».