ەل وڭىرلەرىندە Ashyq قاتىسۋشىلارى ءۇشىن دەمالىس كۇندەرىندە جۇمىس ىستەۋگە رۇقسات بەرىلدى, دەپ حابارلايدى Egemen.kz Tengrinews.kz-كە سىلتەمە جاساپ.
«جاعدايى تۇراقتانعان وڭىرلەردەگى ۆەدومستۆوارالىق كوميسسياعا دەمالىس كۇندەرى Ashyq جوباسىنا قاتىساتىن بيزنەس سۋبەكتىلەرى ءۇشىن شەكتەۋ شارالارىن جەڭىلدەتۋ ماسەلەسىن قاراۋدى تاپسىرامىن. جالپى باقىلاۋ ەرالى لۇقپان ۇلىنىڭ قۇزىرەتىندە بولادى», دەپ تاپسىردى مامين ۇكىمەت وتىرىسىندا.
جالپى, پرەمەر-مينيستر ەلدەگى ەپيدەميولوگيالىق جاعداي جاقسارىپ, اۋرۋ دەڭگەيى بىرتىندەپ تومەندەي باستاعانىن ايتتى.
«وتكەن اپتادا ۆيرۋستىڭ رەپرودۋكتيۆتى يندەكسى 1-دەن تومەن بولىپ, قازىر 0,93 قۇرايدى. سونىمەن قاتار تۇركىستان وبلىسىنان باسقا بارلىق وڭىرلەر «قىزىل» ايماقتا قالىپ وتىر. ينفەكتسيالىق توسەكتەردىڭ جۇمىسپەن قامتىلۋى 49 پايىزدى جانە رەانيماتسيالىق توسەكتەر - 46 پايىزدى قۇرايدى. بارلىعى 6,5 ميلليونعا جۋىق ادام ءبىرىنشى كومپونەنتپەن ەگىلدى, ەكىنشى كومپونەنتپەن 5 ميلليوننان استام ادام ەگىلدى. ۆاكتسيناتسيا ناۋقانىن ودان ءارى كۇشەيتۋ قاجەت», دەدى اسقار مامين.