دۇنيەجۇزىلىك دەنساۋلىق ساقتاۋ ۇيىمى ومىرلىك كومەككە مۇقتاج ميلليونداعان اۋعاندىقتارعا دەرەۋ قول ۇشىن سوزۋدى تالاپ ەتتى, دەپ حابارلايدى Egemen.kz Reuters-كە سىلتەمە جاساپ.
ددسۇ وسى اپتادا اۋعانستانعا جەتكىزىلۋى كەرەك 500 توننا ءدارى-دارمەكتەر, سونىڭ ىشىندە حيرۋرگيالىق جابدىقتار كابۋل اۋەجايىنداعى شەكتەۋلەرگە بايلانىستى توقتاپ قالدى دەپ مالىمدەدى. باسقا گۋمانيتارلىق ۇيىمدار دا وسىنداي قيىندىقتارعا تاپ بولادى.
ۇيىم اۋعانستانعا ۇنەمى جانە كەدەرگىسىز كومەك كورسەتۋگە مۇمكىندىك بەرەتىن اۋە ءدالىزىن تەز ارادا ورناتۋعا شاقىرادى.
ددسۇ-نىڭ توتەنشە جاعدايلار جونىندەگى ايماقتىق ديرەكتورى ريچارد برەنناننىڭ ايتۋىنشا, شامامەن 18,5 ميلليون ادام – اۋعانستان حالقىنىڭ جارتىسى گۋمانيتارلىق كومەككە مۇقتاج جانە قۇرعاقشىلىقتىڭ سالدارىنان ولاردىڭ قاجەتتىلىكتەرى ارتادى دەپ كۇتىلۋدە. الايدا, كابۋل اۋەجايىنىڭ كوممەرتسيالىق رەيستەرگە جابىلۋى جەتكىزۋلەردى كەشىكتىرە ءتۇستى.
«قازىر بۇكىل الەمنىڭ كوزدەرى ەۆاكۋاتسيالانعان ادامدارعا جانە ۇشاتىن ۇشاقتارعا بايلانعان كەزدە, ءبىز كومەكسىز قالعان ادامدارعا كەرەك-جاراقتاردى جەتكىزۋىمىز كەرەك», دەدى برەننان.