رۋدنىي قالاسىنىڭ پوليتسيا قىزمەتكەرلەرى بالكوننان وق جاۋدىرعان ادامدى ۇستادى, دەپ حابارلايدى Egemen.kz.
بۇل وقيعا ۆيدەوعا ءتۇسىپ, الەۋمەتتىك جەلىلەرگە تاراپ كەتتى.
قوستاناي وبلىسى پد حابارلاۋىنشا, وقيعا رۋدنىي قالاسىندا بولعان. 22 تامىزدا, ساعات 17:30 شاماسىندا 32 جاستاعى ەر ادام ەكىنشى قاباتتاعى پاتەر بالكونىنان پنەۆماتيكالىق تاپانشامەن قاراۋسىز جۇرگەن جىلقىلاردى اتقان. كۇدىكتى ۇستالعان كەزدە ىشىمدىككە ماس بولعان.
ناتيجەسىندە پنەۆماتيكالىق تاپانشا الىندى. جىلقىلاردىڭ يەسىن انىقتاۋ شارالارى ءجۇرىپ جاتىر.
اپات سالدارىنان زارداپ شەككەندەر جوق.