قىتاي كولىك مينيسترلىگىنىڭ حابارلاۋىنشا, ناگچۋ قالاسى مەن تيبەت اۆتونومدى اۋدانىنىڭ استاناسى لحاسانى جالعايتىن الەمدەگى ەڭ بيىك اۆتوكولىك جولى پايدالانۋعا بەرىلدى. وتكەن سەنبىدە ناگچۋ مەن يانگباجاين اراسىنداعى 227 شاقىرىمدىق سوڭعى ۋچاسكە اشىلىپ, اۆتوبان تولىقتاي ىسكە قوسىلدى.
ورتاشا بيىكتىگى 4500 مەتردەن اساتىن, 295 شاقىرىمعا سوزىلاتىن ناگچۋ-لحاسا اۆتوكولىك جولى – پەكين مەن لحاسانى بايلانىستىراتىن ەكسپرەسس جول بولىگى. سونداي-اق لحاسا مەن تيبەتتىڭ سولتۇستىگىن بايلانىستىراتىن ءبىرىنشى ماگيسترال.
وسىلايشا, لحاسا مەن ناگچۋ قالاسى اراسىنداعى جولدى ءجۇرىپ ءوتۋ ۋاقىتى التى ساعاتتان ءۇش ساعاتقا دەيىن قىسقاردى. مينيسترلىك وكىلدەرىنىڭ ايتۋىنشا, تيبەتتى قىتايدىڭ سولتۇستىك-باتىسىنداعى تسينحاي پروۆينتسياسىمەن بايلانىستىراتىن جولدىڭ مۇمكىندىكتەرى مول. سونىمەن قاتار قاۋىپسىزدىك دەڭگەيى دە جوعارى.