پاۆلوداردا سۋعا باتىپ كەتكەن بالانىڭ دەنەسى ءتورت كۇننەن كەيىن تابىلدى, دەپ حابارلايدى Egemen.kz Pavlodarnews.kz-كە سىلتەمە جاساپ.
ىزدەۋشىلەر جاساعىنىڭ جەتەكشىسى ەكاتەرينا كۋدرياۆتسەۆانىڭ ايتۋىنشا, 12 جاسار ۇلدىڭ دەنەسى اۆتوموبيل كوپىرىنىڭ استىنان تابىلدى.
«بۇگىن بالانىڭ دەنەسىن ىزدەگەنىمىزگە ءتورتىنشى كۇن. كومەكتەسۋگە كەلگەن ادامدارمەن بىرگە اۆتوكولىك كوپىرىنىڭ استىنا قايىقپەن ءوتىپ, تاپتىق. دەنەسىن جاعاعا شىعارىپ, قۇتقارۋشىلاردى شاقىردىق», دەدى ەرىكتى.
ايتا كەتسەك, 19 تامىز كۇنى ورتالىق جاعالاۋدا دوستارىمەن بىرگە شومىلىپ جۇرگەن 12 جاسار بالا سۋعا باتىپ كەتتى. «VITA» ىزدەۋشىلەر جاساعىنىڭ مالىمدەۋىنشە, دوستارى قورىققاننان ۇلكەندەرگە بولعان ءجايت تۋرالى بىردەن ايتپاعان.