كابۋلدا تالىپتەردەن باس ساۋعالاپ باتىس ەلدەرىنەن پانا ىزدەگەن اۋعانداردى ەۆاكۋاتسيالاۋ جالعاسىپ جاتىر, دەپ حابارلايدى «حابار 24-كە» سىلتەمە جاساپ.
كەشە كەشكىسىن اقش اسكەريلەرى گەرمانيانىڭ رامشتاين قالاسىنا تاعى 159 ادام جەتكىزدى. نەمىس جەرىنە تابان تىرەگەن ازاماتتاردىڭ بارلىعى كوروناۆيرۋسقا بايلانىستى كارانتيننەن وتەدى. جالپى اقش اۋعانستاننان ەۆاكۋاتسيالانعان ازاماتتارىن ورنالاستىرۋ ءۇشىن بۇل بازاداعى ورىندى 5 مىڭنان 10 مىڭعا دەيىن ۇلعايتۋدى كوزدەپ وتىر.
«ولاردىڭ ءبارىنىڭ شارشاپ شالدىققانى بايقالادى. بىراق ايەلدەر مەن بالالاردىڭ ك ۇلىمدەگەن جۇزدەرى كوڭىلىڭىزگە قۋانىش ۇيالاتادى. كارانتيننەن كەيىن ەۆاكۋاتسيالانعانداردىڭ ىشىندە جات پيعىلدى جاندار بولماس ءۇشىن تەكسەرۋلەر جۇرگىزۋ قاراستىرىلعان», دەدى اقش اسكەرىنىڭ وكىلى دجوش ولسون.
ال ەۋرووداققا ەۆاكۋاتسيالانىپ جاتقان اۋعاندىقتاردىڭ ءبىراز بولىگى مادريدتەگى, تورراحون دە اردوس اسكەري اۋەجايىنا جەتكىزىلىپ جاتىر. بوسقىنداردىڭ كوبى – وداققا قىزمەت ەتكەن اۋعان ازاماتتارى. بۇل جەردە 1 مىڭ ادامعا ارنالاعان ورىن دايىندالعان. وسى جەردە بىرنەشە كۇن ايالداعان سوڭ ولار وزگە ەۋروپالىق ەلدەردەگى قابىلداۋ ورىندارىنا جىبەرىلەدى.