ءان العاش رەت سوچيدەگى وليمپيادالىق پاركتەگى New Wave Hall ساحناسىندا شىرقالدى, دەپ جازادى Egemen.kz Dimashnews اقپارات تاراتتى.
يگور كرۋتوي مەن ديماش قۇدايبەرگەننىڭ تاندەمى شىعىس ناقىشتارى بار اعىلشىن تىلىندەگى جاڭا بىرەگەي ءاندى ۇسىندى.
19 تامىز كۇنى سوچيدەگى وليمپيادالىق پاركتەگى New Wave Hall ساحناسىندا العاش رەت قوبىز وينالدى. ەجەلگى قازاق اسپابى يگور كرۋتوي مەن ديماش قۇدايبەرگەننىڭ جاڭا انىنە ايرىقشا وزگەشەلىك بەرگەندەي.
«Stranger» («بەيتانىس») «جاڭا تولقىن» كورەرمەندەرى ءۇشىن ۇلكەن توسىنسىي بولدى. اعىلشىن تىلىندەگى قازىرگى زامانعى ءاننىڭ بۇكىل قازاق حالقى ءۇشىن قاسيەتتى اسپاپتىڭ ۇنىمەن ورنەكتەلۋى ۇلكەن جاڭالىق بولدى. ديماشتىڭ ورىنداۋىنداعى ۆوكاليزدىڭ شەبەر ورىلگەن اۋەنى وسى كوپقىرلى شىعارمانى اياقتادى, ال سوڭعى نوتا كورەرمەندەردى شەكسىزدىككە جەتەلەپ, اياقتالعىسى كەلمەيتىندەي بولىپ سەزىلدى», دەلىنگەن حابارلامادا.
جاڭا كومپوزيتسيانىڭ مۋزىكاسىن ورىس كومپوزيتورى يگور كرۋتوي جازعان, ال ءماتىننىڭ اۆتورى –امەريكالىق اقىن شارون ۆون. نەگىزگى ارانجيروۆكامەن ديميتريس كونتوپۋلوس (گرەكيا) جانە ەرلان بەكچۋرين (قازاقستان) اينالىسقان.
«جاڭا انگە قوبىز قوسۋ يدەياسى ديماشقا «Stranger» اۋەنىن العاش ەستىگەننەن كەيىن كەلدى. ءانشى حالىق اسپابى انگە كەرەمەت ۇيلەسىپ, وعان كەرەمەت دىبىس بەرەدى دەپ شەشتى. ديماش ءداستۇرلى قازاق مۋزىكاسىن دارىپتەۋگە ءاردايىم زور ىقىلاسپەن قارايدى», دەلىنگەن حابارلامادا.