الماتى وبلىستىق پد كريمينالدىق پوليتسياسى مەن ەكولوگيالىق پوليتسيا 61 جاستاعى ەر ادامنىڭ كولىگىنەن بىرقازاننىڭ ولەكسەسىن تاپتى, دەپ حابارلايدى Egemen.kz.
«19 تامىزدا سارقان اۋدانىنىڭ بالقاش كولىنىڭ جاعاسىندا المالى اۋىلىنىڭ 61 جاستاعى تۇرعىنىنىڭ كولىگىن تەكسەردى. تەكسەرۋ كەزىندە كولىكتەن ءتىرى دۋاداق پەن بىرقازاننىڭ ولەكسەسى تابىلدى», دەيدى الماتى وبلىسى بويىنشا پد كپ باستىعىنىڭ ورىنباسارى لاريسا كان.
اتىپ الىنعان قۇس ايتارلىقتاي ازايىپ كەتكەنىنە بايلانىستى قىزىل كىتاپقا ەنگىزىلگەن.
«كۇدىكتىگە قاتىستى قازاقستان رەسپۋبليكاسىنىڭ قىلمىستىق كودەكسىنىڭ 337-بابى 1-بولىگى بويىنشا تەرگەۋ باستالدى. قۇس اتىلعان مىلتىق قىلمىس قۇرالى تۇرىندە ءىس قۇجاتتارىنا ەنگىزىلگەن. ەستەرىڭىزگە سالا كەتەيىك, الماتى وبلىسى اۋماعىندا 9-31 تامىز ارالىعىندا ەكولوگيالىق زاڭنامانى بۇزۋ فاكتىلەرىن اشۋعا باعىتتالعان «براكونەر» شاراسى وتكىزىلەدى. ءدال وسىنداي شارا قاراعاندى وبلىسىندا دا وتەدى», دەپ قوستى كان.