2021-2022 وقۋ جىلىنا ارنالعان ماگيستراتۋرا بويىنشا ءبىلىم گرانتتارى يەگەرلەرىنىڭ ءتىزىمى جاريالاندى. كوميسسيا قۇرامىندا مەملەكەتتىك ورگاندار مەن ۇكىمەتتىك ەمەس ۇيىمداردىڭ وكىلدەرى, جۋرناليستەر, قازاقستان ستۋدەنتتەرىنىڭ اليانسى جانە «وتانداستار» قورىنىڭ وكىلدەرى بولدى, دەپ جازادى Egemen.kz.
ءبىلىم بەرۋ گرانتتارى كەشەندى تەستىلەۋ (كت) ناتيجەلەرى بويىنشا كونكۋرستىق نەگىزدە بەرىلدى. ايتا كەتەيىك, وتكەن جىلمەن سالىستىرعاندا وقۋعا تۇسۋشىلەر سانى 2 مىڭعا ارتىپ, تەستىلەۋگە 36 مىڭ ادام قاتىستى.ەستەرىڭىزگە سالا كەتەيىك, بيىل عىلىمي-پەداگوگيكالىق ماگيستراتۋراعا 12 329 گرانت جانە بەيىندىك ماگيستراتۋراعا 500 گرانت ءبولىندى. «شەت ءتىلى مۇعالىمدەرىن دايارلاۋ», «اقپاراتتىق تەحنولوگيالار», «ماتەماتيكا مۇعالىمدەرىن دايارلاۋ» جانە «قۇقىق» باعىتتارى سۇرانىسقا يە بولدى.بارلىق گرانت يەگەرلەرى 28 تامىزعا دەيىن جوعارى وقۋ ورنىنىڭ ۆيرتۋالدىق قابىلداۋ كوميسسيالارى ارقىلى جوو-عا قۇجاتتارىن تاپسىرۋى ءتيىس.
ماگيستراتۋرا بويىنشا ءبىلىم گرانتتارى يەگەرلەرىنىڭ ءتىزىمىن كورۋ ءۇشىن مىنا سىلتەمە بويىنشا ءوتىڭىز.