قر ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ رف تابيعي رەسۋرستار جانە ەكولوگيا ءمينيسترى الەكساندر كوزلوۆپەن كەزدەستى, دەپ حابارلايدى Egemen.kz ەكولوگيا مينيسترلىگىنىڭ ءباسپاسوز قىزمەتىنە سىلتەمە جاساپ.
كەزدەسۋ بارىسىندا قوس تاراپ ورال جانە ەرتىس ترانسشەكارالىق وزەندەرى باسسەيندەرىنىڭ ەكوجۇيەلەرىن ساقتاۋ جانە قالپىنا كەلتىرۋ جونىندەگى قازاقستان-رەسەي ىنتىماقتاستىعىنىڭ باعدارلامالارىن ىسكە اسىرۋ بارىسىن تالقىلادى.
ولاردىڭ ءىرى وزەندەر باسسەيندەرىندە (ورال, ەرتىس جانە ت.ب.) زەرتتەۋلەر جۇرگىزۋ بويىنشا بىرىڭعاي جول كارتاسىندا كوزدەلگەن 17 ءىس-شارانىڭ 10 ءىس-شاراسى 2021 جىلى باستالدى, ونىڭ 4-ءى جىل سوڭىنا دەيىن اياقتالاتىن بولادى. قالعان ءىس-شارالار 2022 جىلى باستالماق. تاراپتار بىرىڭعاي جول كارتاسىنىڭ ءىس-شارالار كەستەسىن ىسكە اسىرۋ بويىنشا مىندەتتەمەلەردى ورىنداۋ شەڭبەرىندە, سونداي-اق زەرتتەۋلەردىڭ دەرەكتەرىمەن الماسۋ ماقساتىندا اقپارات الماسۋدى جۇرگىزدى. جۇمىس كەستەسىنە سايكەس ءبىرىنشى جارتىجىلدىقتا گيدرولوگيالىق دەرەكتەردى جيناۋ جانە الماسۋ بويىنشا ءىس-شارالار ورىندالدى.
تاراپتار پاۆلودار وبلىسىنىڭ (بىلقىلداق جيناقتاۋشى سۋ قويماسى ايماعىندا) جانە ومبى وبلىسىنىڭ (ولحوۆكا اۋىلىندا) اۋماعىنداعى ەرتىس وزەنىنىڭ جانە جەراستى سۋلارىنىڭ ساپاسىنا بىرلەسكەن مونيتورينگ ۇيىمداستىرۋعا ۋاعدالاسىپ, ساراپشىلاردىڭ تۇراقتى جۇمىس كەزدەسۋلەرىن وتكىزۋدىڭ جوسپار-كەستەسىن بەكىتۋگە كەلىستى.
قازاقستاندىق تاراپ قازىرگى ۋاقىتتا جوعارعى ەرتىس سۋ قويمالارى كاسكادىنان سۋ اعىزۋ ەكونوميكانىڭ بارلىق سالالارىنىڭ مۇددەلەرى ەسكەرىلگەن «وبا جانە ەرتىس وزەندەرىنىڭ سۋ رەسۋرستارىن كەشەندى پايدالانۋ جانە قورعاۋ» سحەمالارىنىڭ ەرەجەسىنە سايكەس كەلەتىنىن اتاپ ءوتتى.
كەزدەسۋدى قورىتىندىلاي كەلە, تاراپتار مەملەكەت باسشىلارىنىڭ قاتىسۋىمەن كوكشەتاۋ قالاسىندا وتەتىن «ەكولوگيا جانە جاسىل دامۋ سالاسىنداعى ىنتىماقتاستىق» تاقىرىبىندا رەسەي مەن قازاقستان اراسىنداعى XVII ايماقارالىق ىنتىماقتاستىق فورۋمىنا دايىندىق ماسەلەلەرىن تالقىلادى.