23 تامىزدان باستاپ قازاقستاندىقتار حالىققا قىزمەت كورسەتۋ ورتالىقتارىنا مىندەتتى برونداۋسىز بارا الادى. بۇل رەتتە Ashyq جۇيەسى ارقىلى مارتەبەسىن تەكسەرۋمەن قابىلداۋ ساقتالادى, دەپ حابارلايدى Egemen.kz «ازاماتتارعا ارنالعان ۇكىمەت» مەملەكەتتىك كورپوراتسياسىنا سىلتەمە جاساپ.
«مىندەتتى برونداۋ سانيتارلىق دارىگەرلەردىڭ باستى تالابى بولدى, مۇنداي جۇمىس رەجيمى كەزەكتەگى بارلىق ادامدى قابىلداۋعا مۇمكىندىك بەرمەدى, ال برونداۋ كۇنى كوبىنەسە بىرنەشە اپتاعا سوزىلدى. قاۋىپسىز جانە بەيتاراپ مارتەبەسى بار كليەنتتەر ەندى مەملەكەتتىك قىزمەتتەردى مىندەتتى تۇردە الدىن الا كەزەك برونداۋسىز الا الادى. بۇل رەتتە ەلەكتروندى تاسىلمەن كەزەككە تۇرۋ مۇمكىندىگى بۇرىنعى رەجيمدە قالا بەرەدى. بۇل جاعدايدا كليەنتتىڭ ارتىقشىلىعى بولادى, سوندىقتان ول وپەراتورعا ۇزاق كۇتپەستەن كىرە الادى. ءبىز كەلۋشىلەردىڭ اعىنى ارتاتىنىن تۇسىنەمىز, سوندىقتان سانيتارلىق قاۋىپسىزدىك شارالارى تۋرالى ۇمىتپاۋلارىڭىزدى سۇرايمىز – بەتپەردە كيىپ, الەۋمەتتىك قاشىقتىقتى ساقتاڭىز, سانيتايزەرلەردى قولدانىڭىز», دەدى «ازاماتتارعا ارنالعان ۇكىمەت» باسقارماسىنىڭ توراعاسى ا.قوجيحوۆ.
بۇدان باسقا, مەملەكەتتىك كورپوراتسيا تالونداردى بەرۋ جۇيەسىن Ashyq-پەن بىرىكتىردى. بۇل حقكو-دا كەزەككە تالونداردى بەرۋ كەزىندە كليەنتتىڭ مارتەبەسىن تەكسەرۋگە مۇمكىندىك بەرەدى. تەرمينالدا كليەنتتىڭ جسن تەرۋ كەزىندە اقپارات Ashyq جۇيەسىندەگى دەرەكتەرمەن سالىستىرىلادى, ياعني ادامنىڭ «قىزىل» مارتەبەسى انىقتالعان كەزدە باعدارلاما تالوندى باسىپ شىعارۋدان باس تارتۋدى كورسەتەدى.