Amazon جانە Blue Origin عارىش كومپانياسىنىڭ نەگىزىن قالاۋشى دجەفف بەزوس Forbes Real-Time ميللياردەرلەرىنىڭ جاڭارتىلعان تىزىمىندە ءبىرىنشى ورىنعا يە بولدى, دەپ حابارلايدى Egemen.kz Head Topics-كە سىلتەمە جاساپ.
وتكەن تاۋلىكتە بەزوستىڭ جاعدايى 2,1 ميلليارد دوللاردان 185,9 ميلليارد دوللارعا دەيىن تومەندەدى.
ەكىنشى ورىندا SpaceX جانە Tesla كومپانيالارىنىڭ باسشىسى يلون ماسك تۇر, ونىڭ بايلىعى 5,2 ميلليارد دوللاردان, 180,5 ميلليارد دوللارعا دەيىن ءوستى.
وسىلايشا, Louis Vuitton Moet Hennessy توبىنىڭ پرەزيدەنتى بەرنار ارنو الەمدەگى ەڭ باي ادام مارتەبەسىنەن ايىرىلدى. رەيتينگ ناتيجەلەرى بويىنشا ميللياردەر 19,1 ميلليارد دوللار جوعالتىپ, ءۇشىنشى ساتىعا تومەندەدى. قازىرگى ۋاقىتتا ونىڭ بايلىعى 175,6 ميلليارد دوللارعا باعالانادى. ارنوعا تيەسىلى LVMH كونگلومەراتىنىڭ اكتسيالارى ەۋروپالىق ساۋدا-ساتتىقتا 5,2 پايىزعا تومەندەپ, كاسىپكەردىڭ بايلىعىن 9,9 ميلليارد دوللارعا قىسقارتتى.
ودان ءبىر ساتى تومەن Microsoft نەگىزىن قالاۋشى بيلل گەيتس پەن Facebook-ءتىڭ نەگىزىن قالاۋشى مارك تسۋكەربەرگ ورنالاستى.