جوعارى وقۋ ورىندارى رەكتورلارىنىڭ رەيتينگى ەنگىزىلەدى. بۇل تۋرالى پەداگوگتەردىڭ رەسپۋبليكالىق تامىز كونفەرەنتسياسىنىڭ پلەنارلىق سەسسياسىندا قر ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى, دەپ حابارلايدى Egemen.kz.
«بيىل قىركۇيەك ايىنان باستاپ جوعارى وقۋ ورىندارى رەكتورلارىنىڭ رەيتينگىسىن ەنگىزەمىز. بۇل ءوز كەزەگىندە تەتىك بولادى. وسى رەيتينگ قورىتىندىسى بويىنشا كادرلىق ءارى ۇيىمداستىرۋشىلىق شەشىمدەردى قابىلدايمىز», دەدى اسحات ايماعامبەتوۆ.
بۇل تۇرعىدا مينيستر قازاقستانداعى جوعارى وقۋ ورىندارىنىڭ باسەكەگە قابىلەتتى بولۋى ماڭىزدى ەكەنىن اتاپ ءوتتى.
«وسى ورايدا جەتىستىكتەر ۋنيۆەرسيتەتتەردىڭ ءبىرىنشى باسشىلارىنا دا بايلانىستى. سوندىقتان بۇل ماسەلە ءبىز ءۇشىن وتە ماڭىزدى», دەدى ول.