مۇعالىمدەر بىلىكتىلىگىن ارتتىرۋ ەكى جىلدا ءبىر رەت وتكىزىلۋى مۇمكىن. بۇل تۋرالى ء«بىلىم جانە عىلىم – ەلدىڭ تۇراقتى دامۋىنىڭ كەپىلى» تاقىرىبىنداعى پەداگوگتەردىڭ رەسپۋبليكالىق تامىز كونفەرەنتسياسىنىڭ پلەنارلىق سەسسياسىندا قر ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى, دەپ حابارلايدى Egemen.kz.
«قازىرگى كەزدە بىلىكتىلىكتى ارتتىرۋدىڭ ورتالىقتارى قايتا جۇكتەۋ كەزىڭنەن ءوتىپ جاتىر. بۇل كەزەڭدە بىلىكتىلىكتى ارتتىرۋ كۋرستارىنىڭ مازمۇنى مەن ساپاسىنا قادامدار تولىقتاي جاڭارتىلادى. ولار عىلىمي ادىستەمەگە نەگىزدەلگەن. سونىمەن قاتار, مۇعالىمدەر بىلىكتىلىگىن بەس جىلدا ءبىر رەت ەمەس, ەكى نەمەسە ءۇش جىلدا ءبىر رەت وتكىزۋ ماسەلەسىن قاراستىرۋدى جوسپارلاپ وتىرمىز», دەدى ا. ايماعامبەتوۆ.
ونىڭ پايىمىنشا, بۇل قادامدار ماڭىزدى بولىپ تۇر. سەبەبى سالاداعى جاعداي وتە قارقىندى وزگەرىپ جاتقان كەزەڭدە پەداگوگتار بىلىكتىلىگىن تۇراقتى ارتتىرۋدى قامتاماسىز ەتۋ ماڭىزدى.